Bus Accident: కర్నూలు జిల్లాలో జరిగిన ఘోర బస్సు అగ్నిప్రమాదం ప్రాణాంతకరంగా మారింది. శుక్రవారం తెల్లవారుజామున హైదరాబాద్–బెంగళూరు జాతీయ రహదారి (NH-44)పై ప్రయాణిస్తున్న వేమూరి కావేరి ట్రావెల్స్ బస్సులో మంటలు చెలరేగడంతో 20 మందికి పైగా ప్రయాణికులు మృతి చెందారు. ఈ ప్రమాదం తెల్లవారుజామున 3 గంటల సమయంలో చిన్నటేకూరు సమీపంలో చోటుచేసుకుంది. ప్రాథమిక సమాచారం ప్రకారం, బస్సు ముందుకు వెళ్తున్న బైక్ను ఢీకొట్టడంతో మంటలు చెలరేగాయి. క్షణాల్లోనే బస్సు మంటల్లో చిక్కుకుని, చాలా మంది బయటపడలేక పోయారు. అగ్నిమాపక సిబ్బంది ఘటనాస్థలానికి చేరుకుని మంటలను ఆర్పి, మృతదేహాలను వెలికితీశారు. ఈ ప్రమాదంలో నెల్లూరు జిల్లాకు చెందిన ఒక కుటుంబం దుర్మరణం పాలైంది. వింజమూరు మండలం గోళ్లవారిపల్లికి చెందిన గోళ్ల రమేష్ (35), ఆయన భార్య అనూష (30), పిల్లలు శశాంక్ (12), మాన్యత (10) మృతిచెందారు. రమేష్ బెంగళూరులో హిందుస్థాన్ యూనిలీవర్ కంపెనీలో సేల్స్ ఎగ్జిక్యూటివ్గా పనిచేస్తున్నాడు. కుటుంబంతో కలిసి హైదరాబాద్ ట్రిప్కు వెళ్లి తిరిగి వస్తుండగా ఈ దుర్ఘటన జరిగింది.
Read also: TTD: మీ వద్ద ఆధారాలు ఉంటే ఇవ్వండి: డిఎస్పీ
Bus Accident: దీపావళి పండగకు వచ్చి మృతువాత పడ్డ తల్లి కుమారుడు
మృతుల్లో సంగారెడ్డి జిల్లా పటాన్చెరు కృషి డిఫెన్స్ కాలనీకి చెందిన రాము మరియు అతడి తల్లీ ఉన్నారు. బెంగళూరు నుంచి దీపావళి పండుగకు స్వగ్రామానికి వచ్చి తిరిగి వెళుతుండగా ప్రమాదం జరిగింది. రాము మృతిచెందిన వార్త తెలియగానే కుటుంబ సభ్యులు, ముఖ్యంగా ఆయన తల్లి కన్నీరుమున్నీరై విలపించారు. ప్రమాదం తర్వాత పోలీసులు, రెవెన్యూ మరియు ఫోరెన్సిక్ బృందాలు ఘటనా స్థలానికి చేరుకుని దర్యాప్తు చేపట్టాయి. మృతదేహాలను పోస్ట్మార్టం కోసం కర్నూలు ప్రభుత్వ ఆసుపత్రికి తరలించారు. అధికారులు ప్రమాదానికి కారణాలను తెలుసుకునేందుకు దర్యాప్తు కొనసాగిస్తున్నారు.
కర్నూలు జిల్లాలో ఎక్కడ బస్సు అగ్నిప్రమాదం జరిగింది?
ఈ ప్రమాదం కర్నూలు జిల్లా చిన్నటేకూరు సమీపంలోని హైదరాబాద్–బెంగళూరు జాతీయ రహదారి (NH-44)పై జరిగింది.
ప్రమాదానికి కారణం ఏమిటి?
బస్సు ముందుగా వెళ్తున్న బైక్ను ఢీకొట్టడంతో మంటలు చెలరేగి ప్రమాదం జరిగింది.
Read hindi news: hindi.vaartha.com
Epaper : https://epaper.vaartha.com/
Read Also:
