విశాఖపట్నంలోని కింగ్ జార్జ్ హాస్పిటల్ (KGH Hospital)లో శనివారం ఉదయం భారీ ప్రమాదం తృటిలో తప్పింది. గుండె వ్యాధుల విభాగంలో అకస్మాత్తుగా మంటలు చెలరేగడంతో ఆసుపత్రిలో కొన్ని క్షణాలు ఆందోళన నెలకొంది. అయితే సిబ్బంది వెంటనే స్పందించడంతో రోగులందరూ క్షేమంగా బయటపడగలిగారు.
వివరాల ప్రకారం, కార్డియాక్ విభాగానికి చెందిన ఆఫీస్ గదిలో ఉన్న ఎయిర్ కండిషనర్లో షార్ట్ సర్క్యూట్(Short circuit) చోటుచేసుకుని మంటలు రావడం జరిగింది. దాంతో గది నిండా దట్టమైన పొగ వ్యాపించి, ఆ వార్డులో ఉన్న రోగులు మరియు వారి బంధువులు భయాందోళనలకు గురయ్యారు. కొంతమంది పొగ కారణంగా శ్వాస తీసుకోవడంలో ఇబ్బంది కూడా ఎదుర్కొన్నారు.
Read Also: Kurnool Road Accident: కర్నూలులో ఘోర ప్రమాదం.. ఐదుగురు మృతి
రోగులు తీవ్ర అసంతృప్తి వ్యక్తం
పరిస్థితిని గమనించిన ఆసుపత్రి సిబ్బంది వెంటనే అగ్నిమాపక సిబ్బందికి సమాచారం అందించడంతో పాటు, ఆ వార్డులో ఉన్న 45 మంది రోగులను అత్యవసరంగా మరో బ్లాక్కు తరలించారు. ఈ ఘటనను కేజీహెచ్ సూపరింటెండెంట్ ధృవీకరించారు.
దుర్ఘటన స్థలానికి చేరుకున్న ఫైర్ సర్వీస్(Fire Service) సిబ్బంది మంటలను అదుపులోకి తెచ్చారు. షార్ట్ సర్క్యూట్ కారణంగానే ఈ ఘటన జరిగిందని ప్రాథమిక నిర్ధారణ. సిబ్బందిచేసిన వేగవంతమైన చర్యల వల్ల పెద్ద ప్రమాదం తప్పిందని అధికారులు తెలిపారు. అయితే ఆసుపత్రిలో ఇలాంటి ఘటనలు పదేపదే జరుగుతుండటం పట్ల రోగులు తీవ్ర అసంతృప్తి వ్యక్తం చేస్తున్నారు.
Read hindi news: hindi.vaartha.com
Epaper: epaper.vaartha.com/
Read Also: