Saikrishna Missing Case : ఆంధ్రప్రదేశ్‌లో రాజకీయంగా, సామాజికంగా పెను సంచలనం రేపుతున్న విజయవాడకు చెందిన సాయికృష్ణ అదృశ్యం కేసులో ఊహించని మలుపు చోటుచేసుకుంది. ఈ వ్యవహారంలో కృష్ణలంక సర్కిల్ ఇన్‌స్పెక్టర్ (CI) నాగరాజుపై హత్యాయత్నం కేసు నమోదు కావడం రాష్ట్రవ్యాప్తంగా తీవ్ర కలకలం రేపుతోంది. సాయికృష్ణ ఆకస్మిక అదృశ్యం వెనుక పోలీసుల హస్తం ఉందంటూ బాధితుడి తల్లి విజయలక్ష్మి విజయవాడ పోలీస్ కమిషనర్ రాజశేఖర్‌కు లిఖితపూర్వకంగా ఫిర్యాదు చేశారు. ఈ ఫిర్యాదును తీవ్రంగా పరిగణించిన సీపీ, సీఐ నాగరాజుపై కేసు నమోదు చేయాల్సిందిగా ఆదేశించారు. కేసు తీవ్రతను బట్టి విచారణను అత్యంత పారదర్శకంగా జరిపేందుకు వీలుగా దిశా పోలీస్ స్టేషన్ అసిస్టెంట్ కమిషనర్ ఆఫ్ పోలీస్ (ACP) దైవప్రసాద్‌ను ప్రత్యేక విచారణ అధికారిగా నియమించారు. ఈ పరిణామంతో విజయవాడ కమిషనరేట్ పరిధిలోని పోలీస్ వర్గాల్లో తీవ్ర ఉత్కంఠ నెలకొంది.
Read Also : సాయికృష్ణ తల్లిని పరామర్శించిన జగన్
రాజకీయ రంగు పులుముకున్న కేసు.. బాధితురాలిని పరామర్శించిన వైఎస్ జగన్!
సాధారణ మిస్సింగ్ కేసుగా ప్రారంభమైన ఈ ఉదంతం, ప్రతిపక్ష వైఎస్సార్ కాంగ్రెస్ పార్టీ (YCP) ఎంట్రీతో రాజకీయంగా తీవ్ర రూపాన్ని దాల్చింది. సీఐ నాగరాజు అధికార బలంతో సాయికృష్ణను విచారణ పేరిట తీసుకెళ్లి దారుణంగా హత్య చేశారని వైసీపీ శ్రేణులు బహిరంగంగా ఆరోపిస్తున్నాయి. ఈ నేపథ్యంలోనే వైకాపా అధినేత, మాజీ ముఖ్యమంత్రి వైఎస్ జగన్ మోహన్ రెడ్డి నిన్న స్వయంగా బాధితుడి నివాసానికి వెళ్లి సాయికృష్ణ తల్లి విజయలక్ష్మిని పరామర్శించి, ధైర్యం చెప్పారు. బాధితురాలికి న్యాయం జరిగే వరకు తమ పార్టీ అండగా ఉంటుందని భరోసా ఇచ్చారు. ఈ కేసులో పోలీసు ఉన్నతాధికారే ప్రధాన నిందితుడిగా మారడం, ప్రతిపక్ష నేత నేరుగా రంగంలోకి దిగడంతో ఈ వ్యవహారం కాస్తా ఏపీలో శాంతిభద్రతల పరిస్థితిపై అధికార, ప్రతిపక్షాల మధ్య తీవ్ర స్థాయి రాజకీయ ఘర్షణకు దారితీస్తోంది.
Read Also hindi news: hindi.vaartha.com
Read Also Epaper : epaper.vaartha.com
Read Also :