Kavuri Sambasiva Rao: తెలుగు రాజకీయాల్లో సుదీర్ఘ అనుభవం కలిగిన సీనియర్ నేత, కేంద్ర మాజీ మంత్రి కావూరు సాంబశివరావు (82) కన్నుమూశారు. గత కొంతకాలంగా అనారోగ్యంతో బాధపడుతున్న ఆయన, హైదరాబాద్ జూబ్లీహిల్స్లోని ఒక ప్రైవేట్ ఆసుపత్రిలో చికిత్స పొందుతూ మరణించారు. ఆయన మృతితో ఏపీ రాజకీయాల్లో ఒక శకం ముగిసినట్లయింది.
Read Also:Viveka Murder Case: సునీతా రెడ్డికి సుప్రీంకోర్టులో చుక్కెదురు
రాజకీయ ప్రస్థానం
కావూరు సాంబశివరావు తన రాజకీయ జీవితంలో ఐదుసార్లు పార్లమెంటు సభ్యుడిగా (MP) ఎన్నికయ్యారు. మచిలీపట్నం మరియు ఏలూరు నియోజకవర్గాల నుంచి ప్రాతినిధ్యం వహించిన ఆయన, ప్రజల్లో మంచి గుర్తింపు పొందారు. యూపీఏ ప్రభుత్వ హయాంలో మన్మోహన్ సింగ్ క్యాబినెట్లో కేంద్ర మంత్రిగా కూడా తన బాధ్యతలను సమర్థవంతంగా నిర్వహించారు.
కొద్దిరోజుల క్రితమే కావూరు మరణించినట్లు సామాజిక మాధ్యమాల్లో వార్తలు రాగా, అప్పట్లో ఆయన కుటుంబ సభ్యులు వాటిని ఖండించారు. అయితే, ఆ ప్రచారం జరిగిన కొద్ది రోజులకే ఆయన నిజంగానే మరణించడం అభిమానులను, అనుచరులను తీవ్ర విషాదంలో ముంచెత్తింది. ఆయన మృతికి పలువురు రాజకీయ ప్రముఖులు సంతాపం తెలియజేస్తున్నారు.
Read hindi news: hindi.vaartha.com
Epaper: epaper.vaartha.com
Read Also: