Kakinada Blast Incident: ఆంధ్రప్రదేశ్లోని కాకినాడ జిల్లాలో శనివారం ఘోర ప్రమాదం చోటుచేసుకుంది. ఒక భారీ పేలుడు సంభవించిన ఘటనలో సుమారు 18 మంది ప్రాణాలు కోల్పోవడం రాష్ట్రవ్యాప్తంగా కలకలం రేపింది. ఈ దుర్ఘటనలో మరణించిన వారంతా సజీవ దహనమైనట్లు తెలుస్తోంది. మృతుల్లో అత్యధికులు మహిళలే ఉండటం పెను విషాదాన్ని నింపింది.
Read Also: Kakinada Fire Accident: బాణాసంచా కేంద్రంలో పేలుడు.. మంటల్లో చిక్కుకున్న కార్మికులు
సీఎం చంద్రబాబు దిగ్భ్రాంతి
ప్రస్తుతం విజయనగరం జిల్లా పర్యటనలో ఉన్న ముఖ్యమంత్రి నారా చంద్రబాబు నాయుడు, ఈ ఘటనపై సమాచారం అందిన వెంటనే తీవ్ర దిగ్భ్రాంతి వ్యక్తం చేశారు. బాధితుల కుటుంబాలకు తన ప్రగాఢ సానుభూతిని తెలిపారు. పరిస్థితి తీవ్రతను గమనించిన సీఎం, వెంటనే రాష్ట్ర హోంమంత్రి వంగలపూడి అనితను సంఘటనా స్థలానికి వెళ్లాలని ఆదేశించారు. స్వయంగా అక్కడికి వెళ్లి సహాయక చర్యలను పర్యవేక్షించాలని, బాధితులకు తక్షణ వైద్య సాయం అందేలా చూడాలని సూచించారు.
Kakinada Blast Incident: అప్రమత్తమైన యంత్రాంగం
జిల్లా కలెక్టర్, ఎస్పీ తదితర ఉన్నతాధికారులను సీఎం అప్రమత్తం చేశారు. క్షతగాత్రులను వెంటనే ఆసుపత్రికి తరలించాలని, మెరుగైన చికిత్స అందించాలని ఆదేశించారు. ప్రమాదానికి గల కారణాలపై ప్రాథమిక విచారణ జరిపి నివేదిక సమర్పించాలని అధికారులను కోరారు. సంఘటనా స్థలంలో ఫైర్ సిబ్బంది మరియు పోలీసులు సహాయక చర్యల్లో నిమగ్నమయ్యారు.
hindi news: hindi.vaartha.com
Epaper: epaper.vaartha.com
Read Also:
