Job Mela 2026: ఆంధ్రప్రదేశ్ రాష్ట్ర నైపుణ్యాభివృద్ధి సంస్థ (APSSDC) ఆధ్వర్యంలో నిరుద్యోగ యువతకు ఉపాధి కల్పించడమే లక్ష్యంగా గన్నవరంలో భారీ ఉద్యోగ మేళాను నిర్వహించనున్నారు. ఫిబ్రవరి 28, 2026 (శనివారం) ఉదయం 9 గంటలకు గన్నవరంలోని ప్రభుత్వ పాలిటెక్నిక్ కళాశాల వేదికగా ఈ మేళా ప్రారంభం కానుంది. ఈ మేరకు జిల్లా కలెక్టర్ డి.కె. బాలాజీ అధికారిక ప్రకటన విడుదల చేస్తూ, అర్హులైన నిరుద్యోగ యువత ఈ అవకాశాన్ని సద్వినియోగం చేసుకోవాలని కోరారు.
Read Also: AI Groundwater Estimation: ఏఐతో భూగర్భ జలాల అంచనాలు
రంగంలోకి టాటా ఎలక్ట్రానిక్స్ సహా ప్రముఖ కంపెనీలు
ఈ జాబ్ మేళాలో సుమారు 10కి పైగా ప్రముఖ కంపెనీలు తమ సంస్థల్లోని ఖాళీలను భర్తీ చేయనున్నాయని జిల్లా నైపుణ్యాభివృద్ధి అధికారి డాక్టర్ పి. నరేష్ కుమార్ తెలిపారు. పాల్గొనే ప్రధాన కంపెనీల జాబితా ఇక్కడ ఉంది:
- టాటా ఎలక్ట్రానిక్స్ ప్రైవేట్ లిమిటెడ్
- బంధన్ బ్యాంక్ లిమిటెడ్
- పేటిఎమ్ (Paytm) సర్వీసెస్ ప్రైవేట్ లిమిటెడ్
- నవత రోడ్ ట్రాన్స్పోర్ట్
- మోహన్ స్పింటెక్స్ & సుధీర్ టింబర్స్
- సంతోష్ ఆటోమోటర్స్ & ముక్కు ఫైనాన్షియల్ కన్సల్టింగ్ వీటితో పాటు టెస్ట్ 2 బిల్డ్, సిఐఈఎల్, ఇన్నోవ్సోర్స్ వంటి సంస్థలు కూడా అభ్యర్థులను ఎంపిక చేయనున్నాయి.
అభ్యర్థులకు సూచనలు: కావాల్సిన పత్రాలు ఇవే!
ఈ కంపెనీలలో ఉద్యోగాలకు టెన్త్, ఇంటర్, ఐటిఐ, డిప్లొమా, డిగ్రీ, బిటెక్(మెకానికల్, సివిల్) పూర్తి చేసిన 18 నుంచి 35 సంవత్సరాలలోపు యువత అర్హులని, ఎంపిక అయిన వారికి మంచి వేతనం ఇతర సౌకర్యాలతో కూడిన ఉద్యోగ అవకాశాలు కల్పించనున్నట్లు తెలిపారు. ఫిబ్రవరి 28న నిర్వహించబోయే జాబ్ మేళాకు హాజరయిన అభ్యర్థులకు ఇంటర్వ్యూలు నిర్వహించడం ద్వారా సదరు ఉద్యోగాలకు ఎంపిక చేయనున్నట్లు తెలిపారు.
ఆసక్తి, తగిన అర్హతలు గల అభ్యర్థులు ముందుగా వెబ్సైట్లో తప్పనిసరిగా తమ పూర్తి వివరాలతో రిజిస్టర్ కావడంతోపాటు సదరు జాబ్ మేళాకు రెజ్యూమెలతో లేదా బయోడేటా ఫోరమ్లతో పాటు ఆధార్, ఆధార్కు లింక్ అయిన ఫోన్ నంబర్, PAN, సర్టిఫికెట్ల జిరాక్సు కాపీలను తీసుకు రావాలని తెలిపారు. మరిన్ని వివరాలకు 9676708041, 9494005725 నంబర్లను సంప్రదించాలని తెలిపారు.
Read hindi news: hindi.vaartha.com
Epaper: epaper.vaartha.com
Read Also:
