Indane Gas Booking System Crash: దేశవ్యాప్తంగా ఇండేన్ గ్యాస్ వినియోగదారులు సోమవారం తీవ్ర ఇబ్బందులు ఎదుర్కొన్నారు. సాధారణంగా గ్యాస్ బుక్ చేసుకునే ఐవీఆర్ఎస్ (IVRS) మరియు మిస్డ్ కాల్ సర్వీసులు ఒక్కసారిగా నిలిచిపోయాయి. గ్యాస్ కొరత ఏర్పడనుందనే పుకార్లతో వినియోగదారులు ఒక్కసారిగా బుకింగ్కు పోటెత్తడమే దీనికి ప్రధాన కారణమని సంబంధిత వర్గాలు వెల్లడించాయి.
Read Also: Gas Shortage : ఏపీలో గ్యాస్ కొరత పై మంత్రి కీలక ప్రకటన
10 రెట్లు పెరిగిన కాల్స్
దేశవ్యాప్తంగా ఇండేన్ గ్యాస్కు సుమారు 15 కోట్ల కనెక్షన్లు ఉన్నాయి. వీరంతా సాధారణంగా ఐవీఆర్ఎస్ నంబర్ ద్వారా లేదా మిస్డ్ కాల్ ఇవ్వడం ద్వారా గ్యాస్ బుక్ చేసుకుంటారు. అయితే, దేశంలో ఎల్పీజీ కొరత ఏర్పడిందని వార్తలు రావడంతో, వినియోగదారులు తమ సిలిండర్లు ఎక్కడ అయిపోతాయోనన్న భయంతో ముందస్తు బుకింగ్లకు ఎగబడ్డారు. దీనివల్ల సాధారణ రోజుల్లో వచ్చే కాల్స్ కంటే 8 నుండి 10 రెట్లు ఎక్కువగా కాల్స్ రావడంతో ఇండేన్ బుకింగ్ సిస్టమ్ భారాన్ని తట్టుకోలేక కుప్పకూలింది.
Indane Gas Booking System Crash: పుకార్లే కారణమా?
గత కొన్ని రోజులుగా దేశంలో ఎల్పీజీ సరఫరాలో ఇబ్బందులు ఉన్నాయనే ప్రచారం జోరుగా సాగుతోంది. ఈ నేపథ్యంలో తమ వద్ద ఉన్న సిలిండర్ ఖాళీ కాకముందే మరొకటి బుక్ చేసుకోవాలని జనం ప్రయత్నించడంతో సర్వర్లు క్రాష్ అయ్యాయి. గంటల తరబడి ప్రయత్నించినా ‘లైన్ బిజీ’ అని రావడం లేదా కాల్ కట్ అవ్వడంతో వినియోగదారులు సోషల్ మీడియా వేదికగా తమ అసహనాన్ని వ్యక్తం చేస్తున్నారు.
అధికారుల వివరణ
సిస్టమ్ క్రాష్ అయిన మాట వాస్తవమేనని, సాంకేతిక బృందం దానిని పునరుద్ధరించే పనిలో ఉందని అధికారులు తెలిపారు. వినియోగదారులు ఆందోళన చెందాల్సిన పనిలేదని, గ్యాస్ సరఫరా నిరంతరాయంగా కొనసాగుతుందని హామీ ఇచ్చారు. బుకింగ్ కోసం మొబైల్ యాప్ లేదా వాట్సాప్ సర్వీసులను కూడా ప్రయత్నించవచ్చని సూచించారు.
hindi news: hindi.vaartha.com
Read Also Epaper : epaper.vaartha.com
Read Also :