తెలుగుదేశం పార్టీకి కష్టకాలం అజ్ఞాతవాసంలా ఉంటుంది. కానీ, కార్యకర్తల సహనం నమ్మకంగా నిలబడింది. గత ప్రభుత్వ హయాంలో బాధపడిన కార్యకర్తలకి న్యాయం తప్పదు.ఆంధ్రప్రదేశ్ మంత్రి, పార్టీ జాతీయ ప్రధాన కార్యదర్శి Nara Lokesh ఈ విషయాన్ని బలంగా చెప్పారు. గుత్తి సమీప రామరాజుపల్లిలో జరిగిన ఉత్తమ కార్యకర్తల సమావేశంలో ఆయన స్పష్టంగా హెచ్చరించారు.
“మా కార్యకర్తలను హింసించిన వారిని వదిలే ప్రసక్తే లేదు,”
అని లోకేశ్ ఘాటుగా చెప్పారు.వారు చెప్పినట్టుగా, కార్యకర్తల వద్ద ‘రెడ్ బుక్’ డేటా ఉంది. ఎవరు బాధించారు, ఎప్పుడు చేశారు అన్న సమాచారం పక్కాగా ఉంది. వాటిపై త్వరలో చర్యలు వస్తాయని హెచ్చరించారు.”నేను అనవసర గొడవలు పెట్టుకోను. కానీ మా జోలికి వస్తే వదలను,”అన్నారు లోకేశ్.గత ప్రభుత్వ హయాంలో మద్యం పాలసీలో భారీ స్కాంలో జరిగింది. ఇది ప్రజలకు స్పష్టమైంది. దోపిడీ చేసిన వారిపై చర్యలు తప్పవు. అయితే, దీనికొంత సమయం పడుతుంది అని లోకేశ్ వివరించారు.
సభ్యత్వం లో రికార్డు – టీడీపీ చరిత్ర
పార్టీ సభ్యత్వ నమోదు కార్యక్రమం అద్భుత విజయంగా నిలిచింది. దేశంలో ఏ పార్టీకి లేని విధంగా కోటి సభ్యత్వాలు చేరాయి. ఈ విజయం వెనుక కార్యకర్తల కష్టమే ప్రధానమని లోకేశ్ కొనియాడారు.గుంతకల్లు నియోజకవర్గంలో అభ్యర్థిని ముందే ప్రకటించినా, కార్యకర్తలు గెలిపించారని గుర్తు చేశారు. ఇది వారి అంకితభావానికి నిదర్శనమని చెప్పారు.
పాత–కొత్త నాయకుల కలయికే బలంగా నిలవాలి
పార్టీలో తరం తేడాలకంటే కలయిక ముఖ్యం. కష్టపడే వారికి మాత్రమే స్థానమివ్వాలి. గ్రూప్ రాజకీయాలు వద్దు, టీడీపీ ఒక్కటే గమ్యం అని స్పష్టం చేశారు.
“మంగళగిరిలో ఓడినా వెనక్కి తలిపోలేదు. పోరాడితే విజయమే,”అని భావోద్వేగంతో అన్నారు లోకేశ్.
ప్రజలతో సంబంధమే విజయానికి మార్గం
కార్యకర్తలు అహంకారం విడనడాలి. ప్రజల సమస్యలపై స్పందన పెరగాలి. ఏ అన్యాయం జరిగినా తనను సంప్రదించాలని సూచించారు. అంతర్గత చర్చలు పూర్తయ్యాక, బయట ‘జై టీడీపీ’ అనాలని సూచించారు.పార్టీ సమాచారాన్ని వేగంగా అందించేందుకు కొత్త యాప్ సిద్ధం. మహానాడు అనంతరం ‘మై టీడీపీ’ అనే యాప్ విడుదలవుతుంది. దీనివల్ల బూత్, క్లస్టర్ స్థాయిలకు సమన్వయం సులభమవుతుంది.ఈ నెల 18 నుంచి నియోజకవర్గ స్థాయిలో మినీ మహానాడులు ఉంటాయి. ఈ నెల 27 నుంచి కడపలో మహానాడు అంగరంగ వైభవంగా జరుగుతుంది. కార్యకర్తలందరూ ఆసక్తిగా పాల్గొనాలని లోకేశ్ కోరారు.కీ వర్డ్స్: నారా లోకేశ్, తెలుగుదేశం పార్టీ, గుంతకల్లు, టీడీపీ కార్యకర్తలు, మై టీడీపీ యాప్, టీడీపీ సభ్యత్వం, ఆంధ్రప్రదేశ్ రాజకీయాలు, టీడీపీ మహానాడు, మద్యం స్కాం, టీడీపీ రికార్డు.
Read Also : TTD : టీటీడీ వివిధ ట్రస్ట్లకు ఎన్నారై భారీ విరాళం