(HYD–VGA) హైదరాబాద్–విజయవాడ జాతీయ రహదారిపై పెరుగుతున్న వాహన రద్దీని నియంత్రించేందుకు ప్రభుత్వం పటిష్ట చర్యలు తీసుకుంటున్నట్లు రోడ్లు, భవనాల శాఖ మంత్రి కోమటిరెడ్డి వెంకటరెడ్డి (Komati Reddy Venkat Reddy) తెలిపారు. సంక్రాంతి పండుగ సందర్భంగా వాహనాల రాకపోకలు భారీగా పెరిగే అవకాశం ఉన్నందున, పోలీస్, రవాణా, రెవెన్యూ తదితర అన్ని శాఖలను ముందుగానే అప్రమత్తం చేశామని మంత్రి పేర్కొన్నారు.
Read Also: Sangareddy: ‘food fest’ లో పాల్గొన్న సబ్ కలెక్టర్
సంక్రాంతి రద్దీ దృష్ట్యా హైవేపై ప్రత్యేక చర్యలు
(HYD–VGA) హైవేపై ట్రాఫిక్ జామ్లు ఏర్పడకుండా ప్రత్యేక ట్రాఫిక్ ప్లాన్ రూపొందించినట్లు తెలిపారు. అవసరమైన చోట్ల అదనపు పోలీస్ బలగాలను మోహరిస్తామని, టోల్ గేట్ల వద్ద ఆలస్యం లేకుండా వాహనాలు వెళ్లేలా చర్యలు తీసుకుంటామని చెప్పారు. అత్యవసర సేవలకు ఎలాంటి ఆటంకం కలగకుండా ప్రత్యేక ఏర్పాట్లు చేస్తున్నట్లు తెలిపారు. ఇదిలా ఉండగా, త్వరలో జరగనున్న మున్సిపల్ ఎన్నికలపై కూడా మంత్రి స్పందించారు. నల్గొండ మున్సిపల్ కార్పొరేషన్లో కాంగ్రెస్ పార్టీ ఘన విజయం సాధిస్తుందని ధీమా వ్యక్తం చేశారు. మొత్తం 45 డివిజన్లలో కాంగ్రెస్ అభ్యర్థులే గెలుపొందుతారని, ప్రజలంతా కాంగ్రెస్ పాలనపై నమ్మకం పెట్టుకున్నారని తెలిపారు. రాష్ట్రంలో అభివృద్ధి, సంక్షేమ కార్యక్రమాలను మరింత వేగంగా అమలు చేస్తామని, రహదారులు, మౌలిక సదుపాయాల అభివృద్ధికి ప్రభుత్వం ప్రాధాన్యత ఇస్తోందని మంత్రి స్పష్టం చేశారు.
Read hindi news: hindi.vaartha.com
Epaper: epaper.vaartha.com
Read also: