గుంటూరు నగరం వరదలతో మునిగిపోయింది. హైదరాబాద్ వర్షానికి తడిసి ముద్దైంది. రెండు రాష్ట్రాల్లోనూ ఎడతెరపిలేని వర్షాలు (Heavy Rains) ముంచెత్తాయి. ముఖ్యంగా గుంటూరులో కురిసిన కుండపోత వాన నగరాన్ని స్థంభింపజేసింది. కాలనీలు వరద నీటిలో మునిగి, ప్రజలు తీవ్ర ఇబ్బందులు ఎదుర్కొన్నారు.బంగాళాఖాతం లో ప్రెషర్ ప్రభావంతో గుంటూరు (Guntur) లో ఉదయం నుంచి మధ్యాహ్నం వరకు కుండపోత వర్షం కురిసింది. ఒక్కరోజు వర్షమే నగరాన్ని అస్తవ్యస్తం చేసింది. జిల్లా వ్యాప్తంగా 50 నుంచి 80 మిల్లీమీటర్ల వర్షపాతం నమోదైంది. బ్రాడీపేట, ఏటి అగ్రహారం వంటి ప్రాంతాల్లో నీరు ఇళ్లలోకి చేరింది. రోడ్లు చెరువుల్లా మారిపోయాయి.
లోతట్టు ప్రాంతాల్లో విపత్తు
ప్రత్యేకంగా లోతట్టు ప్రాంతాల్లో నివాసాలు పూర్తిగా మునిగిపోయాయి. GMC రిపోర్టు ప్రకారం, 10కి పైగా కాలనీలు నీటమునిగాయి. కంకరకుంట అండర్పాస్లో నీరు నిండిపోయింది. రోడ్లపై 2 నుంచి 3 అడుగుల మేర వరద నీరు నిలిచింది. వాహనాలు ఆగిపోవడంతో ట్రాఫిక్ పూర్తిగా స్థంభించిపోయింది. ప్రజలు రోడ్ల మీద నడవడం కూడా కష్టమైంది.గుంటూరు మున్సిపల్ కార్పొరేషన్ అధికారులు వెంటనే సహాయక చర్యలు చేపట్టినా, డ్రైనేజ్ సిస్టమ్ లోపాలు బహిర్గతమయ్యాయి. నీరు సకాలంలో బయటకు వెళ్లకపోవడంతో నగరం మొత్తంగా నీటమునిగింది. విద్యుత్ సరఫరా ఆగిపోవడంతో ప్రజలు మరింత ఇబ్బందులు ఎదుర్కొన్నారు.
గాలివానకు చెట్లు, బోర్డులు కూలిపోయాయి
వర్షానికి తోడు గాలివాన కూడా వీచింది. చెట్లు, బోర్డులు కూలిపోయాయి. నల్లచెరువు ప్రాంతంలో చెట్లు పడిపోవడంతో ఐదుగురు గాయపడ్డారు. వాహనదారులు ఆగిపోవడంతో నగరం మొత్తం రద్దీగా మారింది.ఇక హైదరాబాద్లో సాయంత్రం నుంచి కుండపోత వర్షం కురిసింది. GHMC పరిధిలో 20 నుంచి 40 మిల్లీమీటర్ల వర్షపాతం నమోదైంది. జూబ్లీహిల్స్, మాదాపూర్, రాజేంద్రనగర్, సికింద్రాబాద్, అమీర్పేట్లలో 30 నుంచి 35 మిల్లీమీటర్ల వర్షం కురిసింది. సాయంత్రం సమయమైందే కావడంతో భారీ ట్రాఫిక్ జామ్ ఏర్పడింది.
వాతావరణ హెచ్చరికలు
కొన్ని ప్రాంతాలకు IMD ఆరెంజ్ అలెర్ట్ జారీ చేసింది. మరిన్ని వర్షాలు పడే అవకాశం ఉన్నట్లు హెచ్చరికలు జారీచేశారు. అధికారులు అప్రమత్తంగా ఉండాలని సూచించారు.రెండు నగరాల్లోనూ వర్షం తీవ్ర ప్రభావం చూపింది. గుంటూరులో కాలనీలు నీటమునిగిపోగా, హైదరాబాద్లో రోడ్లు జలమయమయ్యాయి. వాహనదారులు, పాదచారులు తీవ్ర ఇబ్బందులు ఎదుర్కొన్నారు. వర్షం ప్రభావం కొనసాగితే పరిస్థితి మరింత క్లిష్టంగా మారే అవకాశం ఉంది.
Read Also :