నైరుతి రుతుపవనాల ప్రభావంతో ఆంధ్రప్రదేశ్, తెలంగాణ రాష్ట్రాల్లో భారత వాతావరణ శాఖ తాజా హెచ్చరికల ప్రకారం, రాబోయే ఐదు రోజుల పాటు భారీ వర్షాలు (Heavy Rain Alert) కురిసే అవకాశముందని స్పష్టం చేసింది.
బంగాళాఖాతంలో అల్పపీడనం, ఉపరితల ద్రోణుల ప్రభావం
బంగాళాఖాతంలో గురువారం నాటికి అల్పపీడనం ఏర్పడనుండటంతో పాటు, ఇప్పటికే అక్కడ కొనసాగుతున్న ఉపరితల ద్రోణి (uparithala dhroni) ప్రభావం కూడా కొనసాగుతోంది. ఈ రెండు వ్యవస్థల సమ్మిళిత ప్రభావంతో తెలుగు రాష్ట్రాల వాతావరణం తీవ్రంగా ప్రభావితమవుతుందని అధికారులు హెచ్చరిస్తున్నారు.
ఆంధ్రప్రదేశ్లో 12 జిల్లాలకు వర్ష సూచన
అమరావతి వాతావరణ కేంద్రం ప్రకారం, ఆదివారం నాడు ఆంధ్రప్రదేశ్లోని 12 జిల్లాలలో విస్తారంగా వర్షాలు (Heavy Rain Alert) కురిసే అవకాశం ఉంది. ముఖ్యంగా అల్లూరి, ఏలూరు, కృష్ణా, ఎన్టీఆర్, గుంటూరు, బాపట్ల, సత్యసాయి, కడప, అన్నమయ్య, చిత్తూరు, తిరుపతి జిల్లాల్లో కొన్నిచోట్ల పిడుగులతో కూడిన మోస్తారు నుండి భారీ వర్షాలు నమోదయ్యే అవకాశముంది. మిగిలిన జిల్లాల్లో తేలికపాటి నుంచి మోస్తరు వర్షాలు పడే అవకాశముంది.
తెలంగాణలో 9 జిల్లాలకు భారీ వర్ష హెచ్చరిక
తెలంగాణ రాష్ట్రంలో ఆదివారం, సోమవారం రెండు రోజుల పాటు వర్షాలు కురిసే అవకాశం ఉందని హైదరాబాద్ వాతావరణ కేంద్రం (Hyderabad Meteorological Centre) వెల్లడించింది. ఆదివారం జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, నల్గొండ, సూర్యాపేట, మహబూబాబాద్, నాగర్కర్నూల్, వనపర్తి జిల్లాల్లో ఉరుములు, మెరుపులతో కూడిన భారీ వర్షాలు నమోదయ్యే అవకాశం ఉంది.
సోమవారం ఈ జిల్లాల్లో మోస్తరు వర్షాలు
సోమవారం నాడు తెలంగాణలోని అన్ని జిల్లాల్లో తేలికపాటి నుంచి మోస్తరు వర్షాలు కురిసే అవకాశం ఉందని వాతావరణ శాఖ అధికారులు పేర్కొన్నారు. గంటకు 30 నుంచి 40 కి.మీ. వేగంతో ఈదురుగాలులు వీసే అవకాశముంది. ప్రజలు అప్రమత్తంగా ఉండాలని, ముఖ్యంగా పిడుగులు పడే సమయాల్లో బహిరంగ ప్రదేశాల్లో ఉండకూడదని అధికారులు సూచిస్తున్నారు.
భద్రత చర్యలు తీసుకోవాలి
అధికారులు, ప్రజలు కలిసి ముందుగానే జాగ్రత్తలు తీసుకోవాల్సిన అవసరం ఉంది. వ్యవసాయ పనులు, విద్యుత్ పనుల సమయంలో అప్రమత్తత అవసరం. ప్రాధమిక ఆరోగ్య కేంద్రాలు, విద్యుత్ శాఖలు, ట్రాఫిక్ పోలీసులు సమయానికి స్పందించేలా సిద్ధంగా ఉండాలి .
Read hindi news: hindi.vaartha.com
Read also: Cyber Crime: సైబరాబాద్లో నకిలీ కాల్ సెంటర్ ముఠా అరెస్టు