ఆంధ్రప్రదేశ్ రాష్ట్రంలోని ఆరోగ్య రంగాన్ని (Health Sector) బలోపేతం చేసేందుకు ప్రభుత్వం మరో కీలక నిర్ణయం తీసుకుంది. ఆయుష్ విభాగంలో 358 పోస్టుల భర్తీకి మంత్రి సత్యకుమార్ ఆమోదం తెలిపారు. ఆయుర్వేదం, యోగా, హోమియోపతి, సిద్ధ, ప్రకృతి వైద్యం వంటి ప్రత్యామ్నాయ వైద్య విధానాలను ప్రోత్సహించేందుకు ఈ నియామకాలు చేపట్టనున్నారు. ఆయుష్ సేవల విస్తరణతో గ్రామీణ ప్రాంత ప్రజలకు మరింత వైద్య సౌకర్యాలు అందుబాటులోకి రానున్నాయి.
విభాగాల వారీగా ఖాళీల వివరాలు
ఈ 358 పోస్టుల్లో డాక్టర్ల పోస్టులు 71గా ఉన్నాయి. అలాగే జిల్లా ప్రోగ్రామ్ మేనేజర్లు 26, పంచకర్మ థెరపిస్టులు 90, సైకాలజిస్టులు 3, మిగతా పోస్టులు ఇతర సిబ్బంది(Vacancy)లుగా ఉన్నాయి. ఈ నియామకాలు ఔట్ సోర్సింగ్ మరియు కాంట్రాక్ట్ విధానాల్లో చేపడతామని మంత్రి వివరించారు. ఆయుష్ ఆసుపత్రులు మరియు వెల్నెస్ సెంటర్లలో సిబ్బంది కొరతను తొలగించేందుకు ఇది ప్రభావవంతంగా ఉంటుందని అంచనా.
ప్రత్యామ్నాయ వైద్య రంగానికి పుష్కల ప్రోత్సాహం
ప్రభుత్వం ఆయుష్ విభాగాన్ని ప్రోత్సహించేందుకు అనేక కార్యక్రమాలు చేపడుతోంది. ఆయుర్వేదం, యోగా, హోమియోపతి, ప్రకృతి వైద్యం వంటి పద్ధతులపై ప్రజల్లో అవగాహన పెంచడమే కాక, ప్రభుత్వ ఆసుపత్రుల్లోనూ ఇవి అందుబాటులోకి రానున్నాయి. ఈ నియామకాలతో ఆరోగ్య రంగానికి అదనపు బలమొస్తుందని, ప్రజలకు వైద్య సేవలు మరింత చేరువవుతాయని మంత్రి సత్యకుమార్ ఆశాభావం వ్యక్తం చేశారు.
Read Also : PM Vikas Bharat Rozgar Yojana : ఆగస్టు 1 నుంచి అమల్లోకి మరో కొత్త పథకం