ఆంధ్రప్రదేశ్ ప్రభుత్వం తాజాగా ప్రభుత్వ ఉద్యోగుల ఆరోగ్య బీమా పథకంపై కీలక నిర్ణయం తీసుకుంది. ఈ నిర్ణయం ప్రకారం తెలంగాణలో ఉన్న డీఎంఈ (డైరెక్టరేట్ ఆఫ్ మెడికల్ ఎడ్యుకేషన్) గుర్తించిన ఆసుపత్రుల్లో ఆంధ్రప్రదేశ్ ప్రభుత్వ ఉద్యోగులు చికిత్స చేయించుకోవచ్చని ప్రభుత్వం ఉత్తర్వులు జారీ చేసింది. ఈ సందర్భంగా ఎన్టీఆర్ వైద్య సేవల సీఈవోకు రిఫరల్ ఆసుపత్రులను గుర్తించాలన్న ఆదేశాలు కూడా జారీ చేసారు.రాష్ట్ర విభజన తర్వాత చాలా మంది ఆంధ్రప్రదేశ్ ఉద్యోగులు హైదరాబాద్లో స్థిరపడిపోయారు. హైదరాబాద్లో ఉండే వారు పునర్విభజన చట్టంలోని 9, 10 షెడ్యూల్ సంస్థల ఉద్యోగులు కూడా హైదరాబాద్లోనే ఉంటున్నారు.
ఈ ఉద్యోగులకు పెన్షనర్లకు గతంలో కొన్ని సమస్యలు వచ్చాయి ముఖ్యంగా తెలంగాణలో చికిత్స పొందినప్పుడు వారి బిల్లులు రీయింబర్స్మెంట్కి అనుమతించబడలేదు. ఇది వారికి ఆర్థిక నష్టం కలిగించేది.ఈ నేపథ్యంలో తెలంగాణ డీఎంఈ గుర్తించిన ఆసుపత్రుల్లో ఆంధ్రప్రదేశ్ ఉద్యోగులకు చికిత్స పొందేందుకు ఇప్పుడు ప్రభుత్వం అనుమతిచ్చింది. ఈ నిర్ణయం ఉద్యోగులు పెన్షనర్లకు చాలా ఉపశమనం కలిగించే అవకాశం ఉంది. ఇకపై తెలంగాణలోని కొన్ని ప్రాధాన్య ఆసుపత్రుల్లో సేవలు పొందిన వారు తమ ఖర్చులను తిరిగి పొందగలుగుతారు.ఈ నిర్ణయంతో ఆంధ్రప్రదేశ్ ప్రభుత్వం తమ ఉద్యోగుల ఆరోగ్య భద్రతను ఇంకా మెరుగుపరచడానికి చర్యలు తీసుకుంటోంది తెలంగాణలో ఉద్యోగుల సౌకర్యం కోసం ఇది ఒక పెద్ద కదలిక.
