పెనుకొండ నియోజకవర్గంలోని గోరంట్ల ప్రాంతంలో మహిళా హోం గార్డు ప్రియాంక ఆత్మహత్యాయత్నం (Home Guard Priyanka Attempts Suicide ) చేయడం కలకలం రేపింది. ప్రియాంక కూల్డ్రింక్లో పురుగుల మందు కలుపుకుని తాగినట్లు సమాచారం. ఈ ఘటనతో ఆ ప్రాంతంలో ఆందోళన నెలకొంది. ఆత్మహత్యకు ప్రయత్నించే ముందు ప్రియాంక ఓ సెల్ఫీ వీడియో రికార్డ్ చేసి తన బాధను వ్యక్తం చేసినట్లు తెలుస్తోంది. ప్రస్తుతం ఆమె ఆచూకీ కోసం పోలీసులు విస్తృతంగా గాలింపు చేపట్టారు.
Latest News: IND W vs PAK: టాస్ ఓడిన భారత్
ప్రియాంక తన వీడియోలో..షఫీ, మైనుద్దీన్ అనే క్యాబ్ డ్రైవర్లు తాను వేధింపులకు గురిచేస్తున్నారని ఆరోపించింది. ఈ విషయం స్థానిక పోలీసులకు చెప్పినప్పటికీ, తనకు ఎలాంటి రక్షణ కల్పించలేదని ప్రియాంక ఆవేదన వ్యక్తం చేసింది. అంతేకాకుండా, గోరంట్ల సీఐ శేఖర్ (CI Sekhar) కూడా తనను వేధిస్తున్న వారికే వత్తాసు పలుకుతున్నారని వీడియోలో వెల్లడించింది. ఈ వ్యాఖ్యలు బయటకు రావడంతో పోలీస్ శాఖలోనే కలకలం చెలరేగింది.
ప్రస్తుతం ప్రియాంక ఆరోగ్యం, ఆమె ఆచూకీపై అధికారులు ప్రత్యేక దృష్టి సారించారు. ఘటనపై పూర్తి స్థాయిలో దర్యాప్తు చేపట్టాలని రాష్ట్ర మహిళా సంఘాలు డిమాండ్ చేస్తున్నాయి. ఒక మహిళా హోం గార్డు ఇలాంటి పరిస్థితులకు గురికావడం పోలీస్ వ్యవస్థ పనితీరుపై ప్రశ్నార్థక చిహ్నం వేసిందని పలువురు విమర్శిస్తున్నారు. ఈ ఘటనపై మంత్రి సవితకు నివేదిక అందజేయాలని, బాధితురాలికి తక్షణ న్యాయం చేయాలని మహిళా హక్కుల సంఘాలు ప్రభుత్వాన్ని కోరుతున్నాయి.