Mangalagiri: మంగళగిరి అభివృద్ధి దిశగా మరొక అడుగు ముందుకేసింది. విద్య, ఐటీ శాఖల మంత్రి నారా లోకేశ్ (Nara lokesh) మంగళగిరి బైపాస్లో ఏర్పాటు చేసిన టాటా హిటాచీ డీలర్షిప్ షోరూం, మెషిన్ కేర్ ఫెసిలిటీని ప్రారంభించారు. ఈ సందర్భంగా మాట్లాడిన ఆయన, రాష్ట్రాన్ని అన్ని రంగాల్లో అగ్రస్థానంలో నిలపడం కూటమి ప్రభుత్వ ప్రధాన లక్ష్యమని చెప్పారు. “గూగుల్ లాంటి అంతర్జాతీయ సంస్థలు రాష్ట్రానికి రావడం ఎంతో గొప్ప విషయం. అయితే, వాటితో పాటు స్థానిక పరిశ్రమలు, డీలర్షిప్లు కూడా సమానంగా ముఖ్యమే. అవి ఉద్యోగాలను సృష్టిస్తాయి, ఆర్థిక వ్యవస్థను బలోపేతం చేస్తాయి” అని లోకేశ్ అన్నారు. మంగళగిరిలో అభివృద్ధి వేగంగా సాగుతోందని, భూగర్భ డ్రైనేజీ, ఆసుపత్రులు, కమ్యూనిటీ హాల్స్, రోడ్లు వంటి అనేక ప్రాజెక్టులు యుద్ధప్రాతిపదికన జరుగుతున్నాయని వివరించారు. 2019 ఎన్నికల్లో ఓడిన తర్వాత ప్రజల సమస్యలను దగ్గరగా అర్థం చేసుకున్నానని, ఈసారి ప్రజలు విశ్వాసంతో భారీ మెజార్టీతో గెలిపించారని తెలిపారు.
Fake doctorates : నకిలీ డాక్టరేట్లతో ప్రతిభకు మకిలి!
Mangalagiri
“మంగళగిరి Mangalagiri అమరావతికి ప్రవేశ ద్వారం. ఇక్కడ మౌలిక వసతులు సిద్ధమవుతున్నాయి. గూగుల్ (Google) లాంటి సంస్థలు పనిచేయాలంటే ఎకోసిస్టమ్ అవసరం. అందులో డీలర్షిప్లు కూడా కీలకం. ఒక్క గూగుల్ రాకతో సరిపోదు – స్థానిక స్థాయిలో ఉపాధి అవకాశాలు కల్పించే సంస్థలు కూడా రావాలి” అని ఆయన అన్నారు. టాటా హిటాచీ ఎండీ సందీప్ సింగ్, లక్ష్మీ గ్రూప్ ఛైర్మన్ కంభంపాటి రామ్మోహన్ రావు తదితరులు ఈ కార్యక్రమంలో పాల్గొన్నారు. చివరగా, ఎక్స్కవేటర్ కొనుగోలు చేసిన కస్టమర్లకు లోకేశ్ స్వయంగా తాళాలు అందజేశారు.
మంగళగిరిలో నారా లోకేశ్ ఏ కార్యక్రమంలో పాల్గొన్నారు?
టాటా హిటాచీ డీలర్షిప్ షోరూమ్, మెషిన్ కేర్ ఫెసిలిటీ ప్రారంభోత్సవంలో పాల్గొన్నారు.
లోకేశ్ చెప్పిన ముఖ్యాంశం ఏమిటి?
గూగుల్తో పాటు డీలర్షిప్లు, స్థానిక పరిశ్రమలు కూడా సమానంగా ముఖ్యమని తెలిపారు.
Read hindi news: hindi.vaartha.com
Epaper : https://epaper.vaartha.com/
Read Also: