Current Bill : ప్రతి నెలాఖరులో కరెంట్ బిల్లు చూస్తే అందరికీ టెన్షనే. ఎంత తక్కువ వాడినా ఎక్కువగానే బిల్లు వస్తోందనే ఫీలింగ్ వస్తుంది. అయితే ఈసారి మాత్రం గుడ్ న్యూస్ ఉంది. ఎందుకంటే ప్రభుత్వం తాజాగా తీసుకున్న GST నిర్ణయం వల్ల మన ఇంటి కరెంట్ బిల్లులు కొంచెం తగ్గబోతున్నాయి.
ఇప్పటి వరకు రిన్యూవబుల్ ఎనర్జీ ఎక్విప్మెంట్పై 12% GST వసూలు చేసేవారు. ఇప్పుడు దాన్ని 5%కి తగ్గించారు. చిన్న మార్పు లాగా కనిపించినా దీని ప్రభావం మాత్రం పెద్దదే. పవర్ కంపెనీల నిర్మాణ, ఇంజనీరింగ్, ప్రొక్యూర్మెంట్ ఖర్చులు 13.8% నుంచి 8.9%కి తగ్గిపోయాయి.
దీని వలన రిన్యూవబుల్ ప్రాజెక్టుల నుంచి వచ్చే విద్యుత్ ఖర్చు 4-5% వరకు తగ్గుతుంది. ఈ లాభం నేరుగా వినియోగదారులకు వస్తుంది. అంటే మన బిల్లులో ఒక్క యూనిట్ కరెంట్పై 11-14 పైసల వరకు తేడా ఉంటుంది. ఉదాహరణకు, ఒక ఇల్లు నెలకు 300 యూనిట్లు వినియోగిస్తే, బిల్లులో రూ.33 నుండి రూ.42 వరకు తేడా వస్తుంది. చిన్న మొత్తం అనిపించినా, ప్రతి నెల కలిపి గణనీయమైన ఆదా అవుతుంది.
ఈ నిర్ణయం వల్ల డిస్కాంలకు డిమాండ్ పెరుగుతుంది, కస్టమర్లకు తక్కువ ధరలో విద్యుత్ అందించడానికి అవకాశం వస్తుంది. పెద్ద కంపెనీలు గ్రీన్ ఎనర్జీని చవకగా పొందగలుగుతాయి. విద్యుత్ ఉత్పత్తి చేసే సంస్థలు కూడా కొత్త ప్రాజెక్టుల్లో పెట్టుబడులు పెట్టడానికి ధైర్యం చేస్తాయి.
అయితే, ఒక చిన్న మైనస్ కూడా ఉంది. GST ఇన్పుట్ క్రెడిట్ తగ్గిపోవడంతో కొన్ని కంపెనీలకు కొద్దిగా భారమవుతుంది. కానీ నిపుణుల ప్రకారం మొత్తం ప్రభావం పాజిటివ్గానే ఉంటుంది. కొత్త ప్రాజెక్టుల ఖర్చు 4-7% తగ్గడం వల్ల డెవలపర్ల లాభం కూడా 100-200 బేసిస్ పాయింట్లు పెరుగుతుంది.
ఇక బొగ్గుపై GST రేటు 5% నుంచి 18%కి పెరిగినా, ప్రతి టన్నుపై ఉండే రూ.400 సెస్ తొలగించబడింది. దీని వలన బొగ్గుతో తయారు చేసే విద్యుత్ ఖర్చు యూనిట్కు 10 పైసల కంటే తక్కువ అవుతుంది.
మొత్తానికి ప్రభుత్వం తీసుకున్న ఈ GST మార్పుల వల్ల డిస్కాంల ఆర్థిక భారం తగ్గుతుంది. మనకు కూడా తక్కువ బిల్లుతో కరెంట్ అందుతుంది. ఇక నుంచి బల్బు, ఫ్యాన్, ఏసీ ఏదైనా వాడినా, “బిల్లు కొంచెం తగ్గింది” అన్న హ్యాపీ ఫీలింగ్ కలగబోతోంది.
Read also :