Annadata Sukhibhava Chandrababu Speech: కృష్ణా జిల్లా గన్నవరం నియోజకవర్గంలోని సూరంపల్లిలో శుక్రవారం జరిగిన ‘అన్నదాత సుఖీభవ’ కార్యక్రమంలో ముఖ్యమంత్రి నారా చంద్రబాబు నాయుడు పాల్గొన్నారు. ఉగాది పండుగకు ముందే రైతులకు పెట్టుబడి సాయాన్ని విడుదల చేస్తూ, సుమారు 46.85 లక్షల మంది రైతుల ఖాతాల్లో రూ. 2,808 కోట్లను నేరుగా జమ చేశారు. ఈ సందర్భంగా ఏర్పాటు చేసిన బహిరంగ సభలో ఆయన మాట్లాడుతూ.. రైతుల సంక్షేమంతో పాటు రాష్ట్రంలో సంచలనం రేపిన కల్తీ నెయ్యి ఉదంతంపై గత పాలకుల తీరును తీవ్రంగా ఎండగట్టారు.
Read Also: SVSN Varma Chandrababu Photo Controversy: సీఎం ఫోటోపై రగడ..వర్మ ఆగ్రహం
పద్ధతి లేని రాజకీయాలపై ఆగ్రహం
తిరుమల లడ్డూ ప్రసాదం తయారీలో కల్తీ నెయ్యిని వాడటంపై చంద్రబాబు తీవ్ర ఆవేదన వ్యక్తం చేశారు. “రాజకీయాల్లో ఏ వ్యక్తయినా ఒక పద్ధతి ప్రకారం పని చేయాలి. కానీ, గత ప్రభుత్వంలో స్వార్థం కోసం సాక్షాత్తు ఆ దేవుడి సేవలనే అపవిత్రం చేశారు. కోట్లాది మంది భక్తుల మనోభావాలను దెబ్బతీశారు” అని ఆయన మండిపడ్డారు. దేవుడి ప్రసాదం విషయంలో అపచారానికి ఒడిగట్టడం అనేది క్షమించరాని నేరమని, అక్రమార్కుల ఆటలు ఇకపై సాగవని హెచ్చరించారు.
Annadata Sukhibhava Chandrababu Speech: అసెంబ్లీ చర్చను పక్కదారి పట్టిస్తున్న విపక్షాలు
ప్రస్తుతం అసెంబ్లీలో కల్తీ నెయ్యి అంశంపై చర్చిస్తుంటే, వాస్తవాలు బయటకు రాకుండా విపక్షాలు కుట్రలు చేస్తున్నాయని సీఎం ఆరోపించారు. “అసెంబ్లీలో ఈ విషయంపై చర్చకు వస్తే పక్కదారి పట్టించే ప్రయత్నం చేస్తున్నారు. ప్రజలకు నిజాలు తెలియకూడదనేది వారి ఉద్దేశం. కానీ భక్తుల నమ్మకాన్ని వమ్ము చేసిన ఏ ఒక్కరినీ వదిలిపెట్టే ప్రసక్తే లేదు” అని స్పష్టం చేశారు. బాధ్యులపై కఠిన చర్యలు తీసుకోవడానికి తమ ప్రభుత్వం సిద్ధంగా ఉందని పునరుద్ఘాటించారు.
అన్నదాతకు ‘ఉగాది’ కానుక
రైతు సంక్షేమమే తమ ప్రభుత్వ ప్రథమ ప్రాధాన్యమని చంద్రబాబు ఈ వేదికగా చాటి చెప్పారు. కేంద్రం ఇచ్చే రూ. 2 వేలకు రాష్ట్ర ప్రభుత్వం రూ. 4 వేలు కలిపి, మొత్తం రూ. 6 వేల చొప్పున పెట్టుబడి సాయాన్ని నేరుగా రైతుల ఖాతాల్లోకి పంపినట్లు తెలిపారు. “ధాన్యం కొనుగోలు చేసిన 24 గంటల్లోనే పేమెంట్లు ఇస్తున్నాం. రైతుల కష్టాలు తెలిసిన వాడిగా, వారిని ప్రతి అడుగులోనూ ఆదుకుంటాం” అని భరోసా ఇచ్చారు. ఈ కార్యక్రమంలో ఎమ్మెల్యే యార్లగడ్డ వెంకట్రావుతో పాటు పలువురు మంత్రులు, రైతు సంఘాల నేతలు పాల్గొన్నారు.
hindi news: hindi.vaartha.com
Epaper : epaper.vaartha.com
Read Also: