CM Chandrababu: రాష్ట్రంలో వ్యవసాయ రంగాన్ని ఆధునీకరించి, రైతులను ఆర్థికంగా బలోపేతం చేయడమే కూటమి ప్రభుత్వ ధ్యేయమని ముఖ్యమంత్రి చంద్రబాబు నాయుడు స్పష్టం చేశారు. గత పాలకుల నిర్లక్ష్యం కారణంగానే అన్నదాతలు తీవ్ర ఇబ్బందులు ఎదుర్కొన్నారని ఆయన విమర్శించారు.
Read also: Satyakumar Yadav: కిడ్నీ రోగులకు ఏపీ సర్కార్ భరోసా
వైసీపీ పాలనపై విమర్శలు
గత వైఎస్సార్సీపీ ప్రభుత్వం హయాంలో వ్యవసాయ రంగం పూర్తిగా కుంటుపడిందని చంద్రబాబు ఆరోపించారు. రైతుల కష్టాలను పట్టించుకోకపోవడం వల్లే ఆ ఐదేళ్ల కాలంలో రికార్డు స్థాయిలో రైతుల ఆత్మహత్యలు నమోదయ్యాయని ఆయన ఆవేదన వ్యక్తం చేశారు. గత ప్రభుత్వ వైఫల్యాలను సరిదిద్ది, వ్యవసాయాన్ని లాభసాటిగా మార్చేందుకు కట్టుబడి ఉన్నామని చెప్పారు.
సాంకేతికతతో సాగు.. రాయలసీమకు ప్రాధాన్యత
వ్యవసాయంలో ఖర్చు తగ్గించి దిగుబడి పెంచేందుకు ఆర్టిఫిషియల్ ఇంటెలిజెన్స్ (AI) వంటి అత్యాధునిక సాంకేతికతను రైతులు వినియోగించుకునేలా ప్రభుత్వం ప్రోత్సహిస్తోందని ముఖ్యమంత్రి తెలిపారు. ముఖ్యంగా రాయలసీమ ప్రాంతాన్ని హార్టికల్చర్ (తోటపంటల) హబ్గా మార్చేందుకు ప్రత్యేక చర్యలు తీసుకుంటున్నామని పేర్కొన్నారు. పంటలకు సరైన గిట్టుబాటు ధర కల్పించడంతో పాటు, విలువ ఆధారిత ఉత్పత్తులను ప్రోత్సహించేందుకు ఫుడ్ ప్రాసెసింగ్ యూనిట్ల (ఆహార శుద్ధి పరిశ్రమలు) ఏర్పాటుకు అత్యధిక ప్రాధాన్యత ఇస్తున్నట్లు చంద్రబాబు వెల్లడించారు. దీనివల్ల రైతులకు స్థానికంగానే మార్కెటింగ్ సదుపాయం లభిస్తుందని ఆయన ధీమా వ్యక్తం చేశారు.
Read hindi news: hindi.vaartha.com
Epaper: epaper.vaartha.com
Read Also:
