ఆంధ్రప్రదేశ్ ప్రభుత్వం పెట్టుబడి ఆకర్షణలో మరో మైలురాయిని అందుకుంది. విశాఖలో జరుగుతున్న సీఐఐ సదస్సు తొలి రోజునే మొత్తం 365 సంస్థలతో రూ. 8,26,668 కోట్ల పెట్టుబడుల MoUలు కుదిరాయని ప్రభుత్వం ప్రకటించింది. సమ్మిట్కు ముందు రోజున కూడా పెట్టుబడిదారులు భారీ స్పందన కనబరచడంతో, మొత్తం కార్యక్రమం ప్రారంభం వరకు 400 MoUలు, రూ. 11,99,971 కోట్ల పెట్టుబడుల ఒప్పందాలు నమోదు అయ్యాయి. ఈ సంఖ్యలు ఏపీపై పెట్టుబడిదారుల నమ్మకం ఎంతగా పెరిగిందో చూపిస్తున్నాయి.
Local Body Elections : స్థానిక ఎన్నికలు BRSకు అగ్నిపరీక్షేనా!
ఇవి కేవలం అంకెలు మాత్రమే కాదు, రాష్ట్ర ఆర్థిక వ్యవస్థకు పెద్ద ఊతమిచ్చే అభివృద్ధి సూచికలు. ఈ పెట్టుబడుల ద్వారా 13,32,445 మందికి ఉద్యోగావకాశాలు సృష్టించబడతాయని ప్రభుత్వం పేర్కొంది. ముఖ్యంగా పచ్చశక్తి, మౌలిక వసతులు, ఐటీ, తయారీ రంగాల్లో పెట్టుబడులు అధికంగా నమోదవుతుండటం, భవిష్యత్లో ఆండ్రప్రదేశ్ను పరిశ్రమల కేంద్రంగా నిలదొక్కుకునే మార్గంలో ముందుకు నడిపిస్తుంది. యువతకు విస్తృతంగా నైపుణ్య ఆధారిత ఉద్యోగాలు లభించే అవకాశం ఉందని పరిశ్రమ నిపుణులు అంచనా వేస్తున్నారు.
రాష్ట్ర ప్రభుత్వం తీసుకొచ్చిన పారదర్శక విధానాలు, రియల్టైమ్ సింగిల్డెస్క్ సిస్టమ్, శీఘ్ర అనుమతులు, మౌలిక వసతుల అభివృద్ధి వంటి చర్యలు పెట్టుబడిదారుల విశ్వాసాన్ని పెంచాయనే అభిప్రాయం వ్యక్తమవుతోంది. ఇటీవల ప్రభుత్వం చేపట్టిన విదేశీ మరియు దేశీయ రోడ్షోలు కూడా ఈ వర్షం రూపంలో ఫలితాలను అందించాయి. ఏపీపై పెట్టుబడిదారుల విశ్వాసం మరింత పటిష్టమవుతున్నందుకు ఈ ఒప్పందాలు నిదర్శనమని అధికారులు పేర్కొంటున్నారు. మొత్తం మీద, ఈ సదస్సు ఆంధ్రప్రదేశ్ అభివృద్ధి యాత్రకు కొత్త దిశను చూపించేలా రూపుదిద్దుకుంటోంది.
Read hindi news: https://hindi.vaartha.com
Epaper : https://epaper.vaartha.com/
