RTGS review Andhra Pradesh : పాలనలో సాంకేతికత వినియోగాన్ని మరింత విస్తరించి, డేటా ఆధారిత నిర్ణయాల దిశగా ప్రభుత్వం ముందుకు సాగాలని ముఖ్యమంత్రి N. Chandrababu Naidu అధికారులకు సూచించారు. అమరావతిలోని క్యాంపు కార్యాలయంలో ఆర్టీజీఎస్పై నిర్వహించిన సమీక్షా సమావేశంలో ఆయన మాట్లాడుతూ, క்షేత్రస్థాయి ఉద్యోగులపై పని భారాన్ని టెక్నాలజీ ద్వారా తగ్గించాలని స్పష్టం చేశారు. 2026 సంవత్సరాన్ని ‘టెక్నాలజీ డ్రివెన్ డిసిషన్ మేకింగ్ ఇయర్’గా మార్చాలన్నదే ప్రభుత్వ లక్ష్యమని తెలిపారు.
సామర్థ్యం లోపించిన ఉద్యోగులకు సరైన శిక్షణ అందించి, వారి పనితీరును నిరంతరం పర్యవేక్షిస్తే మెరుగైన ఫలితాలు సాధ్యమవుతాయని సీఎం అన్నారు. ప్రభుత్వ సేవల్లో ఎదురయ్యే సమస్యలను ఆధునిక సాంకేతికతతో వేగంగా పరిష్కరించవచ్చని పేర్కొన్నారు. ముఖ్యంగా కృత్రిమ మేధ (ఏఐ) వినియోగాన్ని పెంచి, ప్రజల నుంచి వచ్చే ఫిర్యాదులను త్వరితగతిన పరిష్కరించాలని అధికారులకు ఆదేశించారు.
Read Also:New CarLaunch:కొత్త స్కోడా కుషాక్ ఫేస్లిఫ్ట్ ఆవిష్కరణ
ఈ సందర్భంగా ‘మన మిత్ర’ వాట్సప్ గవర్నెన్స్ సేవలపై అధికారులు వివరాలు అందించారు. ప్రస్తుతం ఈ ప్లాట్ఫామ్ ద్వారా 878 రకాల ప్రభుత్వ సేవలు అందుబాటులో ఉండగా, ఇప్పటివరకు 1.43 కోట్ల మంది ప్రజలు వీటిని వినియోగించుకున్నారని తెలిపారు. అనంతరం వైద్యం, వ్యవసాయం, రెవెన్యూ, రహదారులు, ఆర్టీఏ, అగ్నిమాపక శాఖల పనితీరును సీఎం సమీక్షించి, పలు సూచనలు చేశారు.
Read hindi news: hindi.vaartha.com
Epaper: epaper.vaartha.com
Read Also: