AP: ముఖ్యమంత్రి చంద్రబాబు నాయుడు(Chandrababu) నీటి అంశాలపై కీలక వ్యాఖ్యలు చేశారు. పొరుగున ఉన్న తెలంగాణ రాష్ట్రాన్ని ఉద్దేశించి నీటి వివాదాలను రాజకీయ రంగు పులుమకుండా చూడాలని కోరారు. నీళ్ల వంటి సున్నితమైన అంశాలపై రాజకీయాలు చేయడం సమంజసం కాదని ఆయన స్పష్టం చేశారు.
Read also: AP: బస్సు ప్రైవేట్ ఆపరేటర్లకు ట్రాన్స్పోర్ట్ కమిషనర్ హెచ్చరిక
దేవాదుల–కల్వకుర్తి ప్రాజెక్టులపై చంద్రబాబు స్పష్టీకరణ
దేవాదుల, కల్వకుర్తి వంటి పథకాలను తానే ప్రారంభించానని గుర్తు చేసిన చంద్రబాబు, ఆర్డీఎస్ వ్యవస్థ(RDS system)లో నీటి కొరత ఏర్పడినప్పుడు జూరాల నుంచి నీటిని తరలించి మహబూబ్నగర్ ప్రాంతానికి అందించామని తెలిపారు. అలాగే నాగార్జున సాగర్ నుంచి నీటిని తీసుకొచ్చి హైదరాబాద్కు సరఫరా చేసిన విషయాన్ని కూడా ఆయన ప్రస్తావించారు.
పోలవరం ప్రాజెక్టు(Polavaram project) పై అభ్యంతరాలు వ్యక్తం చేయడం తగదని, అందుబాటులో ఉన్న మిగిలిన నీటిని ఎవరైనా వినియోగించుకోవచ్చని చంద్రబాబు వ్యాఖ్యానించారు. నీటి అంశాలపై పోటీగా ఆరోపణలు చేసుకోవడం ఉపయోగం లేదని ఆయన సూచించారు. రాయలసీమ ఎత్తిపోతల పథకాలపై కూడా అవసరం లేని విమర్శలు చేస్తున్నారని, వాస్తవాలను తెలుసుకోకుండా ఇష్టానుసారంగా మాట్లాడటం సరికాదని ముఖ్యమంత్రి స్పష్టం చేశారు. నీటి నిర్వహణ విషయంలో రాష్ట్రాల మధ్య సమన్వయం అవసరమని ఆయన పేర్కొన్నారు.
Read hindi news:hindi.vaartha.com
Epaper:epaper.vaartha.com
Read also: