AP: చిత్తూరు జిల్లా కోర్టును లక్ష్యంగా చేసుకుని వచ్చిన బాంబు బెదిరింపు(Bomb Threat) స్థానికంగా తీవ్ర కలకలం సృష్టించింది. కోర్టు ప్రాంగణంలో ఉన్న ఒక కారులో బాంబు పెట్టినట్టు ఈ-మెయిల్ అందడంతో పోలీసులు వెంటనే అప్రమత్తమయ్యారు. భద్రతా చర్యలలో భాగంగా కోర్టు ఆవరణలో ఉన్న న్యాయవాదులు, సిబ్బంది, ప్రజలను బయటకు తరలించారు.
Read Also: AP: మన్యం జిల్లాలో ఏనుగుల బీభత్సం
సమాచారం అందిన వెంటనే బాంబ్ స్క్వాడ్, డాగ్ స్క్వాడ్(Dog Squad)లను రంగంలోకి దించి కోర్టు కాంప్లెక్స్ను పూర్తిగా తనిఖీ చేశారు. ఇదే సమయంలో అనంతపురం జిల్లా కోర్టుకు కూడా ఫోన్ ద్వారా బాంబు బెదిరింపు రావడంతో అక్కడ కూడా అప్రమత్తత ప్రకటించారు. ఈ బెదిరింపుల వెనుక ఎవరు ఉన్నారు? ఏ ఉద్దేశంతో ఈ మెయిల్, ఫోన్ కాల్స్ పంపించారన్న కోణంలో పోలీసులు దర్యాప్తు కొనసాగిస్తున్నారు.
బాంబు బెదిరింపుల నేపథ్యంలో కోర్టుల వద్ద భద్రతను మరింత కట్టుదిట్టం చేశారు. జిల్లా ఉన్నతాధికారులు పరిస్థితిని పర్యవేక్షిస్తూ, కోర్టు కార్యకలాపాలు తాత్కాలికంగా నిలిపివేశారు. తనిఖీల్లో అనుమానాస్పద వస్తువులు ఏవీ లభించలేదని పోలీసులు వెల్లడించినా, ప్రజలు అప్రమత్తంగా ఉండాలని సూచించారు. ఇటీవల ప్రభుత్వ కార్యాలయాలు, న్యాయస్థానాలకు ఇలాంటి బెదిరింపులు పెరుగుతున్న నేపథ్యంలో, సైబర్ క్రైమ్ కోణంలో కూడా కేసును విచారిస్తున్నట్లు అధికారులు తెలిపారు.
Read hindi news: hindi.vaartha.com
Epaper: epaper.vaartha.com
Read Also: