Bank holidays : ఏప్రిల్ నెలలో చాలా రోజులు బ్యాంకులకు సెలవులు వస్తున్నాయి. దేశవ్యాప్తంగా శని, ఆదివారాలతో కలిపి దాదాపు 15 రోజుల పాటు బ్యాంకులకు సెలవులు రానున్నాయి. స్థానిక పండగల దృష్ట్యా రాష్ట్రాలకు, రాష్ట్రాలకు మధ్య సెలవుల్లో వ్యత్యాసం ఉంటుంది. ఏప్రిల్ 1న ఆర్థిక సంవత్సరం ప్రారంభం నేపథ్యంలో ఖాతాల సర్దుబాటు దృష్ట్యా బ్యాంకులు సాధారణ కార్యకలాపాలు నిర్వహించవు. జార్ఖండ్లో సర్హుల్ అనే గిరిజన పండుగను కూడా జరుపుకుంటారు. ఇది కొత్త సంవత్సరం ప్రారంభానికి సూచన. ప్రకృతిని ఆరాధించే పండుగ ఇది.
తెలంగాణలో మొత్తం 11 రోజులు, ఆంధ్రప్రదేశ్లో 10 రోజులు
ఇక, ఏప్రిల్ 5న బాబూ జగ్జీవన్ రామ్ జయంతి, 14న అంబేడ్కర్ జయంతి, 18న గుడ్ ఫ్రైడే కారణంగా తెలంగాణలో బ్యాంకులకు సెలవులు ఉన్నాయి. ఆంధ్రప్రదేశ్లోని బ్యాంకులకు జగ్జీవన్రామ్ జయంతి రోజు మినహా తెలంగాణ మాదిరిగానే ఏప్రిల్ 1, 14, 18 తేదీల్లో బ్యాంకులు పనిచేయవు. శని, ఆదివారాలు కలుపుకొంటే ఏప్రిల్ నెలలో తెలంగాణలో మొత్తం 11 రోజులు, ఆంధ్రప్రదేశ్లో 10 రోజులు బ్యాంకులు పనిచేయవు. బ్యాంకులకు సెలవు ఉన్నప్పటికీ, నెట్ బ్యాంకింగ్, ATM సేవలు సాధారణంగా అందుబాటులో ఉంటాయి. మీరు ఆన్లైన్ ద్వారా డబ్బును బదిలీ చేయవచ్చు, ATM నుండి డబ్బును తీసుకోవచ్చు.
