సీనియర్ రాజకీయవేత్త, కేంద్ర మాజీ మంత్రి పూసపాటి అశోక్ గజపతిరాజు (Ashok Gajapathi Raju) గోవా గవర్నర్ (Governor of Goa)గా పదవీ బాధ్యతలు చేపట్టారు. ఈ కార్యక్రమం శనివారం ఉదయం గోవా రాజ్భవన్లో అధికారికంగా నిర్వహించబడింది.
గోవా గవర్నర్గా అశోక్ గజపతిరాజు ప్రమాణం
గోవాలోని రాజ్భవన్ బంగ్లాదర్బార్ హాల్లో జరిగిన ఈ కార్యక్రమంలో బాంబే హైకోర్టు ప్రధాన న్యాయమూర్తి జస్టిస్ ఆలోక్ అరాధే అశోక్ గజపతిరాజు (Ashok Gajapathi Raju)తో ప్రమాణం చేయించారు. ఈ కార్యక్రమానికి పలువురు ప్రముఖ రాజకీయ నాయకులు, కుటుంబ సభ్యులు హాజరయ్యారు.
లోకేశ్ హాజరు, శుభాకాంక్షలు
ఈ ప్రమాణ స్వీకార వేడుకలో ఆంధ్రప్రదేశ్ రాష్ట్ర విద్య, ఐటీ, ఎలక్ట్రానిక్స్, మానవ వనరుల శాఖ మంత్రి మరియు టీడీపీ జాతీయ ప్రధాన కార్యదర్శి నారా లోకేశ్ (Nara Lokesh) పాల్గొన్నారు. కార్యక్రమానంతరం అశోక్ గజపతిరాజుకు శుభాకాంక్షలు తెలిపి, ఘనంగా సత్కరించారు.
సోషల్ మీడియా వేదికగా స్పందించిన లోకేశ్
ఈ సందర్భంగా నారా లోకేశ్ తన సోషల్ మీడియా ఖాతా ద్వారా స్పందించారు. ఆయన పేర్కొన్నది.
“నేడు గోవా గవర్నర్గా పూసపాటి అశోక్ గజపతిరాజు గారి ప్రమాణ స్వీకార కార్యక్రమానికి హాజరయ్యాను. ఆయనను ఘనంగా సత్కరించి శుభాకాంక్షలు తెలిపాను. గోవా సీఎం ప్రమోద్ సావంత్ గారిని కూడా మర్యాదపూర్వకంగా కలిశాను.”
కార్యక్రమంలో పాల్గొన్న ప్రముఖులు
ఈ వేడుకలో కేంద్ర మంత్రి రామ్మోహన్ నాయుడు, టీడీపీ నేతలు, ఆంధ్రప్రదేశ్ అసెంబ్లీ స్పీకర్ అయ్యన్నపాత్రుడు, మంత్రులు నారా లోకేశ్, సంధ్యారాణి, కొండపల్లి శ్రీనివాస్, ఇతర పార్లమెంటు సభ్యులు, కుటుంబ సభ్యులు హాజరయ్యారు.
Read hindi news: hindi.vaartha.com
Read also: Parvathipuram: ప్రియురాలి కోసం బావను హతమార్చిన కుర్రాడు