APSPDCL: ఏపీఎస్పీడీసీఎల్ పరిధిలోని పారిశ్రామిక విద్యుత్ వినియోగదారుల సమస్యలను వేగంగా పరిష్కరించేందుకు చైర్మన్ & మేనేజింగ్ డైరెక్టర్ (CMD) శివశంకర్ లోతేటి సరికొత్త కార్యక్రమానికి శ్రీకారం చుట్టారు. బుధవారం నుండి “పారిశ్రామిక వినియోగదారుల సమస్యల పరిష్కార వేదిక” ప్రారంభం కానుంది.
Read Also: No myths on Smart Meters: స్మార్ట్ మీటర్లపై అపోహలు వద్దు: శివశంకర్ లోతేటి
APSPDCL: ఎవరు పాల్గొనవచ్చు?
సంస్థ పరిధిలోని 9 జిల్లాల వినియోగదారులు ఈ సేవలను వినియోగించుకోవచ్చు
- నెల్లూరు, తిరుపతి, చిత్తూరు, కడప, అన్నమయ్య.
- అనంతపురం, శ్రీసత్యసాయి, కర్నూలు, నంద్యాల.
కార్యక్రమ షెడ్యూల్ మరియు వేదిక
పారిశ్రామిక వేత్తలు తమ సమస్యలను పరిష్కరించుకోవడానికి రెండు స్థాయిలలో అవకాశాలు కల్పించారు:
- జిల్లా స్థాయిలో: ప్రతి నెల మొదటి బుధవారం సూపరింటెండింగ్ ఇంజనీర్ (SE) కార్యాలయంలో ఈ కార్యక్రమం జరుగుతుంది.
- కార్పొరేట్ స్థాయిలో (తిరుపతి): జిల్లా స్థాయిలో పరిష్కారం కాని సమస్యల కోసం ప్రతి నెల మూడవ బుధవారం ఉదయం 10:30 నుండి 11:30 వరకు తిరుపతిలోని కార్పొరేట్ కార్యాలయంలో సిఎండిని నేరుగా కలవవచ్చు.
APSPDCL: ఇతర ఫిర్యాదుల మార్గాలు
కేవలం ఈ కార్యక్రమం ద్వారానే కాకుండా, వినియోగదారులు ఇతర మార్గాల ద్వారా కూడా అధికారులను సంప్రదించవచ్చని సిఎండి తెలిపారు:
- టోల్ ఫ్రీ నంబర్లు: 1912 లేదా 1800 425 155333
- వాట్సాప్ (WhatsApp): 91333 31912
త్వరితగతిన పరిష్కారమే ధ్యేయం
ఇప్పటికే అమలవుతున్న “డయల్ యువర్ సిఎండి”, “డయల్ యువర్ ఎస్ఈ”, “కరెంటోళ్ళ జనబాట” వంటి కార్యక్రమాల మాదిరిగానే, పారిశ్రామిక రంగానికి కూడా ప్రాధాన్యతనిస్తూ ఈ నిర్ణయం తీసుకున్నట్లు శివశంకర్ లోతేటి పేర్కొన్నారు. పారిశ్రామిక విద్యుత్ వినియోగదారులు ఈ అవకాశాన్ని సద్వినియోగం చేసుకోవాలని ఆయన కోరారు.
Read hindi news: hindi.vaartha.com
Read Also Epaper : epaper.vaartha.com
Read Also:
