ఆంధ్రప్రదేశ్ ప్రభుత్వం పేదరిక నిర్మూలనకు నూతన విధానాలను ప్రవేశపెట్టుతూ, రాష్ట్రంలో పీ-4 కార్యక్రమాన్ని ప్రతిష్టాత్మకంగా ప్రారంభించింది. ఈ పీ-4 కార్యక్రమం (P-4 programme) ప్రధాన ఉద్దేశ్యం పేద కుటుంబాల ఆర్థిక, సామాజిక అభివృద్ధిని ప్రోత్సహించడం. ప్రత్యేకంగా, సంపన్న వర్గాలను మార్గదర్శులుగా, పేద కుటుంబాలను “బంగారు కుటుంబాలు”గా నామకరణం చేస్తూ, రెండు వర్గాల మధ్య సమన్వయాన్ని పెంపొందించడం ప్రధాన లక్ష్యం. ముఖ్యమంత్రి నారా చంద్రబాబు నాయుడు (Chief Minister Nara Chandrababu Naidu) ఈ కార్యక్రమాన్ని ఎంతో గౌరవపూర్వకంగా చేపట్టి, ఇప్పటికే మార్గదర్శులు,బంగారు కుటుంబాలతో ముఖాముఖి సమావేశాలు కూడా నిర్వహించారు.
మూడు ప్రత్యేక క్లస్టర్లను కేటాయించారు
తాజాగా, ఈ కార్యక్రమాన్ని మరింత సమర్థవంతంగా అమలు చేయడానికి, గ్రామ వార్డు సచివాలయ ఉద్యోగులకు (For Village Ward Secretariat Employees) ప్రత్యేక బాధ్యతలు అప్పగించడం జరిగింది. ప్రతి సచివాలయ ఉద్యోగికి తమ పరిధిలో మూడు ప్రత్యేక క్లస్టర్లను కేటాయించారు. ఈ క్లస్టర్లలో పీ-4 కార్యక్రమంలో ఉన్న మార్గదర్శులు, బంగారు కుటుంబాల సమన్వయ బాధ్యతలను సచివాలయ ఉద్యోగులు నిర్వహించనున్నారు. ఇది పీ-4 కార్యక్రమం లక్ష్యాలను మట్టి మీదనే సఫలీకరించడానికి, ప్రతి వర్గానికి సమానమైన పద్ధతిలో సహాయం అందించడానికి ముఖ్యమైన అడుగు అని రాష్ట్ర ప్రభుత్వం పేర్కొంది.ఇక క్లస్టర్లలో పీ-4 కార్యక్రమం సమన్వయం కోసం ప్రత్యేక యాప్ కూడా అందుబాటులోకి తేనున్నట్లు తెలిసింది.
Read hindi news:hindi.vaartha.com
Read Also:
