ఆంధ్రప్రదేశ్ సీఎం నారా చంద్రబాబు నాయుడు (CBN) రాష్ట్ర అభివృద్ధి దిశగా మరో ముఖ్యమైన ప్రకటన చేశారు. ఆయన వెల్లడించిన వివరాల ప్రకారం, విశాఖపట్నంలో గూగుల్ ఆధ్వర్యంలో అత్యాధునిక AI (ఆర్టిఫిషియల్ ఇంటెలిజెన్స్) డేటా సెంటర్ త్వరలో ప్రారంభం కానుంది. ఈ ప్రాజెక్ట్ ద్వారా విశాఖపట్నం దేశంలోని టెక్నాలజీ మ్యాప్పై కొత్త గుర్తింపును పొందనుందని సీఎం తెలిపారు. గూగుల్ పెట్టుబడులతో పాటు అనుబంధ కంపెనీలు కూడా రాష్ట్రంలో అవకాశాలను అన్వేషిస్తున్నాయని చెప్పారు. ఇది రాష్ట్ర యువతకు భారీ ఉద్యోగ అవకాశాలను, సాంకేతిక అభివృద్ధికి బలమైన వేదికను అందిస్తుందని చంద్రబాబు పేర్కొన్నారు.
Latest News: Nobel Committee: ప్రచారాలు కాదు, చిత్తశుద్ధే ముఖ్యమన్న నోబెల్ కమిటీ
నెల్లూరు జిల్లాలో పర్యటించిన సందర్భంగా సీఎం విశ్వసముద్ర గ్రూప్ పెట్టుబడులతో రూపొందిన ప్రాజెక్టులను ప్రారంభించారు. ఈ సందర్భంగా మాట్లాడుతూ, “ఆంధ్రప్రదేశ్ అభివృద్ధి పథంలో దూసుకెళ్తోంది. రామాయపట్నంలో త్వరలోనే BPCL సంస్థ భారీ పెట్టుబడులు పెట్టబోతోంది. పరిశ్రమలు, పోర్టులు, డేటా సెంటర్లు, ఇన్నోవేషన్ హబ్లు – ఇవన్నీ కలసి రాష్ట్ర ఆర్థిక వ్యవస్థను కొత్త స్థాయికి తీసుకెళ్తాయి” అని అన్నారు. రాష్ట్రంలో పెట్టుబడులకు అనువైన వాతావరణం ఏర్పడిందని, పారదర్శకత మరియు సాంకేతిక ఆధారిత పరిపాలనతో పెట్టుబడిదారుల విశ్వాసం పెరుగుతోందని ఆయన తెలిపారు.
చంద్రబాబు నాయుడు భవిష్యత్ దృష్టిని వివరిస్తూ, “2047 నాటికి భారత్ ప్రపంచ దేశాల్లో అగ్రస్థానంలో నిలుస్తుంది. అప్పటికి ఆ దేశంలోనే ఆంధ్రప్రదేశ్ నంబర్ వన్ రాష్ట్రంగా అవతరిస్తుంది” అని స్పష్టం చేశారు. యువతలో ఉన్న ప్రతిభ, నైపుణ్యం, ఆవిష్కరణ శక్తి దేశాన్ని ముందుకు నడిపిస్తుందని చెప్పారు. రాష్ట్రంలోని ప్రతీ జిల్లాలో పరిశ్రమల అభివృద్ధి, సాంకేతిక విద్య, మరియు మౌలిక సదుపాయాల విస్తరణపై ప్రభుత్వం కట్టుబడి ఉందని తెలిపారు. “ప్రపంచాన్ని శాసించే శక్తి మన పిల్లల్లో ఉంది, వారిని సరికదమలో నడిపించడం నా లక్ష్యం” అని సీఎం ఉత్సాహంగా అన్నారు.
Read hindi news: https://hindi.vaartha.com
Epaper : https://epaper.vaartha.com/
