AP Teacher Posts : ఆంధ్రప్రదేశ్‌లో ఉపాధ్యాయ ఉద్యోగాల కోసం ఎదురుచూస్తున్న నిరుద్యోగ అభ్యర్థులకు ప్రభుత్వం శుభవార్త అందించనుంది. రాష్ట్రంలో మొత్తం 2,721 ఉపాధ్యాయ పోస్టుల భర్తీకి విద్యాశాఖ ఈరోజు డీఎస్సీ (DSC) నోటిఫికేషన్ విడుదల చేయనుంది. ఈ నోటిఫికేషన్‌లో పోస్టుల వారీగా ఖాళీల వివరాలు, విద్యార్హతలు, పరీక్ష విధానం, సిలబస్, దరఖాస్తుల స్వీకరణ తేదీలు తదితర అంశాలను వెల్లడించనున్నారు. సాధారణ పాఠశాలల్లో ఎస్‌జీటీ (SGT), స్కూల్ అసిస్టెంట్ విభాగాల్లో 2,111 పోస్టులు భర్తీ చేయనున్నారు. ప్రత్యేక విద్యా విభాగంలో ఎస్‌జీటీ, స్కూల్ అసిస్టెంట్ కేటగిరీలకు సంబంధించి మరో 350 పోస్టులను కేటాయించారు. దీంతో టీచర్ ఉద్యోగాల కోసం సన్నద్ధమవుతున్న అభ్యర్థుల్లో ఆసక్తి నెలకొంది.
సొసైటీల్లో 260 పోస్టులు.. స్పోర్ట్స్ కోటాకు ప్రత్యేక నోటిఫికేషన్
మొత్తం పోస్టుల్లో సొసైటీల పరిధిలో మరో 260 ఉద్యోగాలను భర్తీ చేయనున్నారు. వీటిలో ప్రిన్సిపల్స్, పీజీటీ (PGT), టీజీటీ (TGT), పీడీ (PD), పీఈటీ (PET) కేటగిరీల పోస్టులు ఉన్నాయి. అదేవిధంగా స్పోర్ట్స్ కోటాలో ఉపాధ్యాయ పోస్టుల భర్తీకి విద్యాశాఖ ప్రత్యేకంగా మరో నోటిఫికేషన్ విడుదల చేయనుంది. అభ్యర్థులు డీఎస్సీ నోటిఫికేషన్ విడుదలైన తర్వాత అందులో పేర్కొన్న విద్యార్హతలు, వయోపరిమితి, రిజర్వేషన్లు, పరీక్ష విధానం వంటి వివరాలను క్షుణ్ణంగా పరిశీలించుకోవాల్సి ఉంటుంది. ముఖ్యంగా సిలబస్, పరీక్ష తేదీలు, దరఖాస్తు గడువు వంటి అంశాలపై స్పష్టత వచ్చిన తర్వాత అభ్యర్థులు తమ ప్రిపరేషన్‌ను ప్రణాళికాబద్ధంగా కొనసాగించాల్సి ఉంటుంది. ఈ డీఎస్సీ నోటిఫికేషన్‌తో రాష్ట్రంలోని ఉపాధ్యాయ ఉద్యోగ ఆశావహుల్లో కొత్త ఆశలు చిగురించాయి.
Read Also hindi news: https://hindi.vaartha.com
Read Also Epaper : epaper.vaartha.com
Read Also :