విజయవాడ: మొంథా తుఫాను అనుభవం తర్వాత, ఆంధ్రప్రదేశ్(AP) ప్రభుత్వం రియల్టైమ్ గవర్నెన్స్ సొసైటీ (ఆర్టీజీఎస్)(Real Time Governance) సాంకేతికతను మరింత బలోపేతం చేస్తోంది. విపత్తుల సమయంలో ప్రజలను అప్రమత్తం చేయడానికి, ప్రాణనష్టాన్ని నివారించడానికి ఈ వ్యవస్థను కీలక కేంద్రంగా మార్చాలని లక్ష్యంగా పెట్టుకుంది. దీనిలో భాగంగా, రాష్ట్రంలోని 13 ఉమ్మడి జిల్లా కేంద్రాల్లో ఆర్టీజీఎస్ కమాండ్ కంట్రోల్ సెంటర్లను ఏర్పాటు చేస్తోంది. ఈ ప్రాజెక్టులను ఈ ఏడాది చివరి నాటికి పూర్తి చేయాలని ప్రభుత్వం లక్ష్యంగా పెట్టుకుంది.
Read Also: Tanzania: టాంజానియా ఎన్నికల్లో హింస.. 700 మంది మృతి
రాష్ట్రస్థాయి కేంద్రం, సేవలు
రాష్ట్ర ఆర్టీజీఎస్ కేంద్రాన్ని సరికొత్త హంగులతో తీర్చిదిద్దాలని నిర్ణయించారు. సచివాలయం సమీపంలో ఒక మల్టీపర్పస్ భవనాన్ని దీనికోసం నిర్మిస్తున్నారు. ఈ కేంద్రం ద్వారా ఆర్టీజీఎస్ సేవలను మరింత విస్తృతం చేయాలని ప్రభుత్వం భావిస్తోంది.
- వాట్సాప్ గవర్నెన్స్: ఇప్పటికే వాట్సాప్ గవర్నెన్స్ ద్వారా ప్రజలకు 750 రకాల సేవలను అందుబాటులోకి తెచ్చింది.
- అవేర్ 2.0: ఇస్రో సంస్థ సహకారంతో ‘అవేర్ 2.0’ అనే కొత్త వ్యవస్థను ప్రవేశపెట్టింది. దీని ద్వారా శాటిలైట్ల సహాయంతో వాతావరణానికి సంబంధించిన సమాచారాన్ని సులభంగా తెలుసుకోవచ్చు.
- డేటా లేక్: అన్ని ప్రభుత్వ శాఖలకు సంబంధించిన సమాచారాన్ని ఒకేచోట భద్రపరిచేందుకు ‘డేటా లేక్’ అనే వ్యవస్థను ఏర్పాటు చేస్తోంది.
జిల్లా కేంద్రాల నిర్మాణం, పర్యవేక్షణ
జిల్లాల్లో నిర్మించే ఆర్టీజీఎస్(RTGS centers) కేంద్రాల పర్యవేక్షణ బాధ్యతలను ఆయా జిల్లాల కలెక్టర్లకు అప్పగిస్తారు. ఈ కేంద్రాల్లో ఇంటిగ్రేటెడ్ కమాండ్ కంట్రోల్ సెంటర్,(Command Control Center) సీసీటీవీ డేటా సెంటర్, ఏపీ ఫైబర్నెట్ లిమిటెడ్ నెట్వర్క్ సెంటర్, కలెక్టర్, ఎస్పీలు సమీక్షించేందుకు సమావేశ మందిరం ఉంటాయి. రాష్ట్రస్థాయి కమాండ్ కంట్రోల్ సెంటర్లో 264 మంది కూర్చుని పనిచేయడానికి వీలుగా టేబుళ్లు, 338 మంది కూర్చునేలా ఒక పెద్ద హాలు, మినీ కాన్ఫరెన్స్ హాల్ను కూడా నిర్మిస్తున్నారు. ఈ ప్రాజెక్టు అమలు బాధ్యతను ఎన్సీసీ-మ్యాట్రిక్స్ సంస్థ తీసుకుంది.
Read hindi news: hindi.vaartha.com
Epaper: epaper.vaartha.com/
Read Also:
