AP ration distribution:రేషన్ కార్డుకు మొబైల్ నంబర్ లింక్ కాలేదని లేదా ఈకేవైసీ (e-KYC) పూర్తి కాలేదనే కారణంతో ఆంధ్రప్రదేశ్‌లో రేషన్ పంపిణీని నిలిపివేసినట్లు జరుగుతున్న ప్రచారాన్ని పౌరసరఫరాల శాఖ తీవ్రంగా ఖండించింది. ఈ తరహా పుకార్లను నమ్మవద్దని కార్డుదారులకు స్పష్టం చేసింది.
Read also: Rapthadu Girl Incident : రాప్తాడు నిందితుడి కాలు తొలగింపు
రేషన్ నిలిపివేత వార్తల్లో నిజం లేదు
రేషన్ పంపిణీ నిలిపివేయాలంటూ ప్రభుత్వం నుంచి ఎలాంటి ఆదేశాలూ వెలువడలేదని అధికారులు తేల్చి చెప్పారు. కార్డుకు మొబైల్ నంబర్ అనుసంధానం చేయకపోవడం లేదా ఈకేవైసీ పూర్తికాకపోవడం వల్ల కొన్ని చోట్ల డీలర్లు సరుకులు ఇవ్వడం లేదని తమ దృష్టికి వచ్చిందని తెలిపారు. ప్రస్తుతం కేవలం మొబైల్ నంబర్లు లింక్ కాని వారి సమాచారాన్ని మాత్రమే సేకరిస్తున్నామని, ఈ కారణాలతో ఎవరికీ రేషన్ సరుకులను నిరాకరించకూడదని స్పష్టం చేశారు. ఎవరైనా డీలర్లు సరుకులు ఇవ్వడానికి నిరాకరిస్తే వెంటనే ఉన్నతాధికారులకు ఫిర్యాదు చేయాలని సూచించారు.
దీపావళి కానుకగా నిత్యావసరాలు
నిత్యావసర వస్తువుల ధరల నియంత్రణపై ముఖ్యమంత్రి చంద్రబాబు నాయుడు నిర్వహించిన సమీక్ష అనంతరం, రేషన్ కార్డుదారులకు ప్రభుత్వం ఉపశమనం కలిగించే నిర్ణయాలు తీసుకుంది. రేషన్ షాపుల ద్వారా
- కందిపప్పు: కిలో రూ. 100
- గోధుమపిండి: కిలో రూ. 25
- పామాయిల్: లీటరు రూ. 125
చొప్పున పంపిణీ చేయాలని ఆదేశాలు జారీ చేశారు. అంతేకాకుండా, సంచార వాహనాల (మొబైల్ వాహనాలు) ద్వారా ‘ధరణి’ బ్రాండ్ బియ్యాన్ని కిలో రూ. 49 నుంచి రూ. 50కి అందుబాటులో ఉంచనున్నారు.
AP ration distribution:బహిరంగ మార్కెట్‌లో బియ్యం, ఉల్లి ధరల కట్టడి
బహిరంగ మార్కెట్‌లో బియ్యం, ఉల్లిపాయల ధరలను అదుపులోకి తెచ్చేందుకు ప్రభుత్వం ప్రత్యేక చర్యలు చేపట్టింది. రైస్ మిల్లర్లు, హోల్‌సేల్ వ్యాపారులతో చర్చలు జరిపి బియ్యం ధరలపై స్పష్టత నిచ్చారు:
- బీపీటీ స్టీమ్‌ బియ్యం: కిలో గరిష్టంగా రూ. 66
- సాధారణ స్టీమ్‌ బియ్యం: కిలో గరిష్టంగా రూ. 47
అలాగే, వినియోగదారులకు ఊరటనిస్తూ కిలో ఉల్లిపాయలను రూ. 35 చొప్పున విక్రయిస్తున్నట్లు అధికారులు వెల్లడించారు. త్వరలోనే మరో 80 టన్నుల ఉల్లిని విపణిలోకి తెచ్చేందుకు ఏర్పాట్లు చేస్తున్నారు. ఈ ధరల నియంత్రణ చర్యల వల్ల ప్రభుత్వంపై నెలకు దాదాపు రూ. 100 కోట్లకు పైగా అదనపు భారం పడనుందని పౌరసరఫరాల శాఖ తెలిపింది.
Read Also hindi news: hindi.vaartha.com
Epaper: epaper.vaartha.com
Read Also: