విజయవాడ : రాష్ట్రంలోని ప్రైవేటు అన్ఎయిడెడ్ ప్రొఫెషనల్ (AP)వైద్య, దంత వైద్య కళాశాలల్లో సూపర్ స్పెషాలిటీ, పీజీ,(Postgraduate) యూజీ కోర్సులకు 202526 విద్యా సంవత్సరానికి ఫీజుల్ని ప్రభుత్వం ఖరారు చేసింది. 202023 బ్లాక్ పీరియడ్లో ఉన్న ఫీజుపై యూజీ కోర్సులకు 10శాతం, సూపర్ స్పెషాలిటీ, పీజీ కోర్సులకు 15శాతం చొప్పున పెంపును తాత్కాలికంగా ఆమోదించింది. ఈ మేరకు వైద్యారోగ్య శాఖ మూడు వేర్వేరు ఉత్తర్వులిచ్చింది. సుప్రీంకోర్టు, హైకోర్టులో పెండింగ్లో ఉన్న కేసుల తుది తీర్పునకు లోబడి ఈ ఫీజు నిర్ణయం ఉంటుందని ఉత్తర్వుల్లో పేర్కొంది.
Read also: ఢిల్లీలో పేలుడు కలకలం.. బాధితుల లిస్ట్
కోర్సుల కేటగిరీ వారీగా కొత్త ఫీజు వివరాలు
సూపర్ స్పెషాలిటీ కోర్సులకు వచ్చేసరికి జీఎస్ఎల్ మెడికల్ కాలేజీ, కాటూరి మెడికల్ కాలేజీ, నారాయణ మెడికల్ కాలేజీ, ఎన్ఆర్ ఐ మెడికల్ కాలేజీ, డాక్టర్ సిద్ధార్థ ఇన్స్టిట్యూట్ ఆఫ్ మెడికల్ సైన్సెస్ వైద్య కళాశాలలకు రూ.17.25 లక్షలుగా(AP) ఫీజును నిర్ధారించింది. ఎంబీబీఎస్ లో కేటగిరీల ప్రకారం ఫీజు వివరాలు గమనిస్తే ఏకేటగిరీ ఫీజు రూ.16,500, బీకేటగిరీ ఫీజు రూ. 13.20 లక్షలు (మేనేజ్మెంట్ కోటా), సీ కేటగిరీ ఫీజుగా రూ.39.60 లక్షలు (ఎన్ఆరి కోటా) నిర్ణయించారు. బీడీఎస్ (డెంటల్)కు వచ్చే సరికి ఏకేటగిరీ ఫీజు రూ. 14,300, బీకేటగిరీ ఫీజు: రూ.4.40 లక్షలు (మేనేజ్మెంట్ కోటా), సీ కేటగిరీ ఫీజు రూ.13.20 లక్షలు (ఎన్ఆరి కోటా)గా ఉంది. పీజీ కోర్సులకు మెడికల్ విభాగంలో ఫీజుల వివరాలను గమనిస్తే క్లినికల్ డిగ్రీ కోర్సులకు ఏ కేటగిరీ ఫీజు రూ.4,96,800 (కన్వీనర్ కోటా), బీ కేటగిరీ ఫీజు రూ.9,93,600 (మేనేజ్మెంట్), సీ కేటగిరీ ఫీజు రూ.57.50 లక్షలు (ఎన్ఆర్ఎ/ ఇన్స్టిట్యూషనల్) గాను నిర్ణయించారు. ఇక పారా క్లీనికల్ డిగ్రీ కోర్సులకు ఏ కేటగిరి ఫీజుగా రూ.1,55,250 (కన్వీనర్), బీ కేటగిరీ ఫీజుగా రూ.3,10,500 (మేనేజ్మెంట్), సీ కేటగిరీ ఫీజుగా రూ.17.25 లక్షలు (ఎన్ఆర్ఎ/ ఇన్స్టిట్యూషనల్), ప్రీ క్లినికల్ డిగ్రీ కోర్సులు ఏ కేటగిరీ ఫీజుగా రూ.70,380 (కన్వీనర్), బీ కేటగిరీ ఫీజుగా రూ.1,40,760 (మేనేజ్ మెంట్), సీ కేటగిరీ ఫీజుగా రూ.9.20 లక్షలు (ఎన్ఆర్ఎ/ఇన్స్టిట్యూషనల్) నిర్ణయించారు. డెంటల్ విభాగంలో క్లినికల్ డిగ్రీ కోర్సులకు ఏ కేటగిరీ ఫీజు రూ.3,41,550 (కన్వీనర్), బీ కేటగిరీ ఫీజు రూ.6,83,100 (మేనేజ్మెంట్), సీ కేటగిరీ ఫీజు రూ.13.80 లక్షలు (ఎన్ఆర్ఎ/ ఇన్స్టిట్యూషనల్)గా నిర్ణయించారు.
Read hindi news: hindi.vaartha.com
Epaper : epaper.vaartha.com/
Read also: