AP Inter Exams Schedule:ఆంధ్రప్రదేశ్ ఇంటర్మీడియట్ బోర్డు విద్యార్థుల కోసం ఏపీ ఇంటర్ పరీక్షల షెడ్యూల్ 2027 తాత్కాలిక టైమ్‌టేబుల్ ప్రకటించింది. 2027 విద్యా సంవత్సరానికి సంబంధించి ప్రథమ, ద్వితీయ సంవత్సరాల ప్రధాన పరీక్షలు ఫిబ్రవరి 24 నుంచి ప్రారంభం కానున్నాయి. ఇంటర్ మొదటి సంవత్సరం పరీక్షలు ఫిబ్రవరి 24న మొదలవుతుండగా, రెండో సంవత్సరం పరీక్షలు ఫిబ్రవరి 25న ప్రారంభం అవుతాయి. ఈ వార్షిక పరీక్షలు మార్చి 16 వరకు కొనసాగుతాయి. రెగ్యులర్ విద్యార్థులతో పాటు బ్యాక్‌లాగ్ అభ్యర్థులకు ఉదయం 9 గంటల నుంచి మధ్యాహ్నం 12 గంటల వరకు పరీక్షలు నిర్వహించనున్నారు. ప్రణాళికాబద్ధంగా చదువుకోవడానికి ఈ సమయం అనుకూలంగా ఉంటుంది.
Read also: AICTE Internship Portal: స్టూడెంట్స్ కోసం AICTE గోల్డెన్ ఆఫర్!
ప్రాక్టికల్స్ ఎప్పుడో తెలుసా?
థియరీ పరీక్షలకు ముందే ఇంటర్ బోర్డు ప్రాక్టికల్స్ నిర్వహించడానికి ఏర్పాట్లు పూర్తి చేసింది. జనరల్ కోర్సుల విద్యార్థులకు ఫిబ్రవరి 1 నుంచి 10 వరకు ప్రాక్టికల్ పరీక్షలు జరుగుతాయి. ఒకేషనల్ విభాగం విద్యార్థులకు ఫిబ్రవరి 1 నుంచి 15 వరకు ఈ పరీక్షలు కొనసాగుతాయి. ప్రాక్టికల్స్ రోజుకు రెండు సెషన్లలో జరగనున్నాయి. మొదటి సెషన్ ఉదయం 9 గంటల నుంచి 12 గంటల వరకు, రెండో సెషన్ మధ్యాహ్నం 2 గంటల నుంచి సాయంత్రం 5 గంటల వరకు ఉంటుంది. అవసరమైతే ఆదివారాల్లో కూడా ప్రాక్టికల్స్ నిర్వహించే అవకాశం ఉన్నట్లు అధికారులు స్పష్టం చేశారు.
AP Inter Exams Schedule:అధికారిక వివరాల కోసం చూడండి
ఇంటర్ బోర్డు కార్యదర్శి పి. రంజిత్ బాషా పరీక్షల నిర్వహణపై ముందస్తు సూచనలు జారీ చేశారు. ప్రస్తుతం విడుదల చేసిన ప్రకటన కేవలం తాత్కాలిక షెడ్యూల్ మాత్రమే అని స్పష్టం చేశారు. విద్యార్థులు తుది టైమ్‌టేబుల్ కొరకు బోర్డు అధికారిక వెబ్‌సైట్ ఎప్పటికప్పుడు గమనించాల్సి ఉంటుంది. ప్రశాంత వాతావరణంలో పరీక్షలు రాసేలా అన్ని ఏర్పాట్లు చేస్తున్నట్లు స్పష్టం చేశారు. సబ్జెక్టుల వారీగా పూర్తి డేట్ షీట్, ఇతర నిబంధనలు తెలుసుకోవడానికి బోర్డు వెబ్‌సైట్ చూడవచ్చు. విద్యార్థులు సమయాన్ని సద్వినియోగం చేసుకుని పరీక్షలకు సిద్ధం కావాల్సి ఉంటుంది.
Read Also hindi news: hindi.vaartha.com
Epaper: epaper.vaartha.com
Read Also: