AP Govt: ఏపీలో ఫీజు రీయింబర్స్మెంట్ నిధుల విడుదలపై నెలకొన్న సందిగ్ధానికి తెరదించుతూ రాష్ట్ర ప్రభుత్వం కీలక నిర్ణయం తీసుకుంది. కాలేజీ యాజమాన్యాలు, విద్యార్థులకు ఊరటనిచ్చేలా ఎటువంటి కోతలు లేకుండా బకాయిలు చెల్లించేందుకు ముఖ్యమంత్రి సానుకూలత వ్యక్తం చేశారు. ఆ వివరాలు ఇక్కడ ఉన్నాయి:
Read Also : UNSC Resolution : ఇరాన్ కు వ్యతిరేకంగా UNSC తీర్మానం
ఫీజు రీయింబర్స్మెంట్పై ‘వడ్డీ’ మెలిక తొలగింపు
గత నెలలో ప్రభుత్వం రూ. 1200 కోట్ల ఫీజు బకాయిలను విడుదల చేసినప్పటికీ, నిధుల సర్దుబాటు కోసం చేసిన అప్పుపై 7.5 శాతం వడ్డీని కాలేజీల నుండే వసూలు చేయాలని అధికారులు భావించారు. ఈ నిబంధనపై విద్యా సంస్థల యాజమాన్యాలు తీవ్ర నిరసన వ్యక్తం చేశాయి. ప్రభుత్వం వద్ద నిధులు లేనప్పుడు చేసిన అప్పుకు తాము వడ్డీ కట్టడం ఏంటని ప్రశ్నించాయి. ఈ సమస్యను కలెక్టర్ల సదస్సులో సీఎం చంద్రబాబు దృష్టికి తీసుకెళ్లగా, ఆయన సానుకూలంగా స్పందించి వడ్డీ మినహాయింపు ప్రతిపాదనను రద్దు చేయాలని ఆదేశించారు.
ఉగాదిలోగా పూర్తి స్థాయి చెల్లింపులు
ముఖ్యమంత్రి ఆదేశాలతో అధికారులు తమ నిర్ణయాన్ని మార్చుకుని, ఎటువంటి కోతలు లేకుండా పూర్తి నిధులు విడుదల చేసే ప్రక్రియను ప్రారంభించారు. ఇప్పటికే మొదటి విడతగా బీసీ-డి కేటగిరీ విద్యార్థుల కోసం సుమారు రూ. 300 కోట్లను సాంఘిక సంక్షేమ శాఖ ద్వారా నేరుగా ఖాతాల్లో జమ చేశారు. మిగిలిన రూ. 900 కోట్ల బకాయిలను ఉగాది పండుగలోగా విడుదల చేస్తామని ప్రభుత్వం హామీ ఇవ్వడంతో అటు యాజమాన్యాలు, ఇటు విద్యార్థుల తల్లిదండ్రులు హర్షం వ్యక్తం చేస్తున్నారు.
Read hindi news: hindi.vaartha.com
Epaper : epaper.vaartha.com
Read Also :