విజయవాడ: ఆంధ్రప్రదేశ్లో(AP) ఇల్లు లేని పేదలకు సొంతింటి కలను నెరవేర్చేందుకు ఉద్దేశించిన కేంద్ర ప్రభుత్వ పథకం ప్రధానమంత్రి ఆవాస్ యోజన(Prime Minister Awas Yojana) (PMAY) దరఖాస్తు గడువును రాష్ట్ర ప్రభుత్వం అభ్యర్థన మేరకు తాజాగా పొడిగించారు. వాస్తవానికి దరఖాస్తు గడువు నవంబర్ 5వ తేదీతో ముగియగా, అర్హత కలిగిన వారు దరఖాస్తు చేసుకునేందుకు వీలుగా కేంద్రం ఈ గడువును నవంబర్ నెలాఖరు వరకు పెంచింది. దీనివల్ల మరింత మందికి లబ్ధి చేకూరుతుందని అధికారులు చెబుతున్నారు.
Read Also: Bihar: పైకప్పు కూలి ఒకే కుటుంబం ఐదుగురు మృతి
దరఖాస్తు విధానం, అవసరమైన పత్రాలు
ప్రధానమంత్రి ఆవాస్ యోజన కోసం దరఖాస్తు చేయాలనుకునేవారు తమ గ్రామ/వార్డు సచివాలయంలోని ఇంజినీరింగ్ అసిస్టెంట్ను సంప్రదించాలి. వారి సహాయంతో అధికారిక వెబ్సైట్ ద్వారా దరఖాస్తు చేసుకోవచ్చు.
- అర్హతలు: దరఖాస్తుదారులకు తప్పనిసరిగా సొంత స్థలం, దానికి సంబంధించిన పట్టా ఉండాలి.
- అవసరమైన వివరాలు: పేరు, ఆధార్ కార్డు నంబర్, మొబైల్ నంబర్, బ్యాంక్ అకౌంట్ నంబర్, గ్రామీణ ఉపాధి హామీ పథకం జాబ్ కార్డు వంటి వివరాలు అందించాలి. నివాస స్థలంలో లబ్ధిదారుడి ఫోటో తప్పనిసరి.
ఆర్థిక సహాయం వివరాలు
ప్రధానమంత్రి ఆవాస్ యోజన కింద ఇల్లు నిర్మించుకునే వారికి కేంద్ర, రాష్ట్ర ప్రభుత్వాలు ఆర్థికంగా అండగా నిలుస్తాయి:
- పట్టణాలు, మున్సిపాలిటీలలో: కేంద్ర, రాష్ట్ర ప్రభుత్వాలు కలిపి రూ. 2.89 లక్షల వరకు అందిస్తున్నాయి.
- గ్రామీణ ప్రాంతాల్లో: రూ. 1.59 లక్షల వరకు ఆర్థిక సాయం అందుతోంది.
అర్హత, ఆసక్తి ఉన్నవారు ఈ పథకాన్ని ఉపయోగించుకుని తమ సొంతింటి కలను నెరవేర్చుకోవాలని అధికారులు సూచిస్తున్నారు.
Read hindi news: hindi.vaartha.com
Epaper : epaper.vaartha.com/
Read Also: