AP: డిజిటల్ యుగంలో అవసరమైన ప్రతిదీ ఇప్పుడు ఆన్లైన్లో అందుబాటులోకి వచ్చింది. దుస్తులు, మందులు, నిత్యావసరాలు మాత్రమే కాదు.. తాజా కూరగాయలు కూడా ఒక్క క్లిక్తో ఇంటి తలుపు వద్దకు వస్తున్నాయి. ఈ మారుతున్న పరిస్థితులకు అనుగుణంగా ఆంధ్రప్రదేశ్ ప్రభుత్వం మరో వినూత్న అడుగు వేసింది. రైతు బజార్లలో విక్రయించే తాజా కూరగాయలు, పండ్లను నేరుగా వినియోగదారుల ఇళ్లకు చేరవేయడానికి ‘డిజిటల్ రైతు బజార్(Digital Farmers Bazaar)’ పేరుతో ఒక పైలట్ ప్రాజెక్టును ప్రారంభించింది.
Read Also: AP tourism news : విశాఖ వేదికగా జాతీయ టూరిజం మార్ట్.. ఏపీ ప్రభుత్వంతో కీలక ఒప్పందం…
ఈ విధానం ద్వారా రైతులు తమ పంటను నేరుగా వినియోగదారులకు విక్రయించుకునే అవకాశం లభిస్తుంది. మధ్యవర్తులు లేకపోవడంతో రైతుకు న్యాయమైన ధర లభిస్తే, వినియోగదారుడికి తక్కువ ఖర్చుతో నాణ్యమైన ఉత్పత్తులు అందుతాయి. ఇందుకోసం ప్రభుత్వం digirythubazaarap.com అనే ప్రత్యేక వెబ్సైట్ను అందుబాటులోకి తీసుకువచ్చింది. ఇది స్విగ్గీ, జొమాటో, బ్లింకిట్ వంటి క్విక్ కామర్స్ ప్లాట్ఫాంల మాదిరిగానే పనిచేసే విధంగా రూపకల్పన చేశారు.
డిజిటల్ రైతు బజార్ ముఖ్యాంశాలు
- ధర నిర్ణయం రైతుల చేతిలోనే: ఉత్పత్తుల ధరలను రైతులే నిర్ణయిస్తారు.
- ఉచిత హోమ్ డెలివరీ: పైలట్ దశలో 5 కిలోమీటర్ల పరిధిలో వినియోగదారులకు ఎటువంటి డెలివరీ ఛార్జీలు ఉండవు.
- తాజా కూరగాయలు: ఉదయం రైతు బజార్కు వచ్చే తాజా సరుకులు నేరుగా ఇళ్లకు పంపిస్తారు.
- డిజిటల్ చెల్లింపులు: ఆన్లైన్ పేమెంట్ సౌకర్యంతో నగదు అవసరం లేకుండా కొనుగోలు చేయవచ్చు.
ప్రస్తుతం ఈ ప్రాజెక్టును విశాఖపట్నంలోని MVP రైతు బజార్ వద్ద ప్రయోగాత్మకంగా అమలు చేస్తున్నారు. ఇందుకు ‘మెషంట్ సాఫ్ట్వేర్ సొల్యూషన్స్’ సంస్థతో ప్రభుత్వం ఒప్పందం కుదుర్చుకుంది. ప్రస్తుతం ముగ్గురు డెలివరీ సిబ్బంది 5 కిలోమీటర్ల పరిధిలో సేవలు అందిస్తున్నారు. రైతు బజార్ పనిచేసే ఉదయపు సమయాల్లో మాత్రమే ఆర్డర్లను స్వీకరిస్తున్నారు.
వచ్చే రెండు వారాల్లో ఈ సేవలను విశాఖపట్నం నగరం అంతటా విస్తరించి, ఆ తరువాత రాష్ట్రవ్యాప్తంగా ప్రధాన నగరాలకు తీసుకెళ్లాలని ప్రభుత్వం యోచిస్తోంది.
మధ్యవర్తులకు చెక్ – వినియోగదారులకు ఆదా
సాధారణ మార్కెట్లు, సూపర్ మార్కెట్లతో పోలిస్తే రైతు బజార్ ధరలు తక్కువగా ఉంటాయి. కారణం మధ్యవర్తుల కమీషన్లు లేకపోవడమే. ఈ డిజిటల్ విధానం అమలులోకి రావడం వల్ల రైతులకు నేరుగా లాభం చేకూరుతుండగా, వినియోగదారుల కూరగాయల ఖర్చు నెలకు సుమారు 20 నుంచి 30 శాతం వరకు తగ్గే అవకాశం ఉందని అధికారులు అంచనా వేస్తున్నారు.
ప్రభుత్వం నేరుగా క్విక్ కామర్స్ తరహాలో ఉచిత డెలివరీతో ఈ సేవలను అందించడం వల్ల, ఈ రంగంలో ఇది ఒక కీలక మార్పుగా నిలవనుంది. తక్కువ ధరకు నాణ్యమైన ఆహారం అందడంతో పాటు, ప్రజలకు మార్కెట్కు వెళ్లే శ్రమ కూడా తగ్గనుంది.
Read hindi news: hindi.vaartha.com
Epaper: epaper.vaartha.com
Read Also: