ఆంధ్రప్రదేశ్ (AP) లో నిరుద్యోగులకు ప్రభుత్వం శుభవార్త చెప్పేందుకు సిద్ధమవుతోంది. ఉగాది నాటికి రాష్ట్ర జాబ్ క్యాలెండర్ను విడుదల చేసి, దాని ప్రకారం వివిధ శాఖల్లో ఉన్న ఖాళీలను భర్తీ చేయాలని ప్రభుత్వం కసరత్తు చేస్తోంది.మంత్రి నారా లోకేష్ ఈ మేరకు అధికారులను ఆదేశించినట్లు సమాచారం. దీంతో అధికారులు శాఖల వారీగా ఖాళీలపై వివరాలు సేకరిస్తున్నారు. ఉద్యోగాల భర్తీ పెద్ద సంఖ్యలోనే ఉండొచ్చనే వార్తలు వస్తున్నాయి. ఉద్యోగ ఖాళీలతో పాటుగా కాంట్రాక్టు ఉద్యోగుల లెక్కలను కూడా సేకరిస్తున్నట్లు సమాచారం.
Read Also: Tirumala: శ్రీవారిని దర్శించుకున్న భారత అంధుల మహిళా క్రికెట్ జట్టు
ఉగాదికి షెడ్యూల్ ప్రకటించే అవకాశం
రెవెన్యూలో 13,000, విద్యలో 7,000, వర్సిటీల్లో 3,000, PRలో 26,000, మున్సిపల్లో 26,800, అగ్రికల్చర్లో 3,000, స్కిల్ డెవలప్మెంట్లో 4,200 ఖాళీలు ఉన్నాయని అధికారులు తెలిపారు. మొత్తం 90,000 వరకు ఉద్యోగ ఖాళీలు ఉండొచ్చని అంచనా వేస్తున్నారు. ఇతర శాఖల వివరాలను కూడా సేకరిస్తున్నారు.
అయితే గతేడాది జాబ్ క్యాలెండర్ విడుదల చేయకపోవటంతో.. ఈ సారి మెగా జాబ్ క్యాలెండర్ విడుదల చేయాలని భావిస్తున్నట్లు సమాచారం. ప్రభుత్వ విభాగాల నుంచి ఖాళీ పోస్టులకు సంబంధించిన వివరాల సేకరణ ప్రక్రియ పూర్తైన తరువాత ఉగాదికి షెడ్యూల్ ప్రకటించే అవకాశం ఉందని సమాచారం.
Read hindi news : hindi.vaartha.com
Epaper : epapervaartha.com
Read Also: