అమరావతి(Amaravati), అక్టోబర్ 17: ఆంధ్రప్రదేశ్లోని ప్రభుత్వ పాఠశాలల్లో ప్రస్తుతం పూర్తిగా ఇంగ్లిష్ మాధ్యమం అమల్లో ఉంది. దీనిని దృష్టిలో ఉంచుకుని విద్యాశాఖ డీఎస్సీ(AP DSC) నియామక విధానంలో కీలక మార్పులు చేయాలని నిర్ణయించింది. ఇకపై నిర్వహించబోయే డీఎస్సీ పరీక్షల్లో “ఇంగ్లీష్ నైపుణ్యత పరీక్షతో పాటు “మూలభూత కంప్యూటర్ జ్ఞానం పరీక్ష” కూడా ఉండనుంది. పాఠశాల స్థాయిలో విద్యార్థులకు కంప్యూటర్ అవగాహన కల్పించేందుకు కంప్యూటర్ ల్యాబ్ల ఏర్పాటు జరుగుతుండటంతో, టీచర్ ఎంపికలో కూడా ఈ నైపుణ్యాలు పరీక్షించాలనే నిర్ణయం తీసుకున్నట్లు తెలుస్తోంది.
Read also: Modi: భారత నదులే దేశ అభివృద్ధికి పునాది
ఇప్పటి వరకు కొన్ని పోస్టులకు మాత్రమే టెస్ట్
AP DSC: ఇప్పటి వరకు టీజీటీ (TGT), పీజీటీ (PGT), ప్రిన్సిపల్ పోస్టులకే ఇంగ్లిష్ ప్రావీణ్య పరీక్ష నిర్వహించేవారు. కానీ, ఇప్పుడు ఈ పరీక్షను ఎస్జీటీ (SGT), స్కూల్ అసిస్టెంట్ వంటి అన్ని టీచింగ్ పోస్టులకు విస్తరించే యోచనలో విద్యాశాఖ ఉంది. ఇది అమల్లోకి వస్తే, అన్ని అభ్యర్థులు ఇంగ్లిష్ మరియు కంప్యూటర్ ప్రావీణ్య పరీక్షలు ఉత్తీర్ణత సాధించాల్సి ఉంటుంది. అయితే, దీనిపై అధికారిక ప్రకటన ఇంకా వెలువడలేదు.
ఇదే సమయంలో, తెలంగాణ గ్రూప్-1 నియామకాలపై విచారణను హైకోర్టు నవంబర్ 18కి వాయిదా వేసింది. మెయిన్స్ ఫలితాల పునర్మూల్యాంకనం, మోడరేషన్ విధానం అంశాలపై టీజీపీఎస్సీ మరియు అభ్యర్థుల మధ్య న్యాయపోరాటం కొనసాగుతోంది. హైకోర్టు గతంలో జారీ చేసిన స్టే ఆర్డర్లు కొనసాగిస్తున్నట్లు ప్రకటించింది.
Read hindi news: hindi.vaartha.com
Epaper : https://epaper.vaartha.com/
Read Also:
