ఆంధ్రప్రదేశ్(AP) సీఎం చంద్రబాబు నాయుడు(Chandrababu Naidu) రాష్ట్ర అభివృద్ధితో పాటు శాంతిభద్రతల పరిరక్షణకూ తమ ప్రభుత్వం పూర్తిగా కట్టుబడి ఉందని స్పష్టం చేస్తున్నారు. ముఖ్యంగా మహిళల సంక్షేమానికి ప్రాధాన్యం ఇస్తూనే, మహిళలు కూడా నేరాలకు పాల్పడితే కఠిన చర్యలు తప్పవని, రౌడీయిజం–గూండాయిజం చూపే వారెవరైనా సహించబోమని హెచ్చరికలు జారీ చేశారు.
Read Also: YS Sharmila: నెహ్రూపై మోదీ వ్యాఖ్యలను ఖండించిన షర్మిల
నేరాలు చేస్తే ఎవ్వరినీ వదలం
గత ప్రభుత్వ హయాంలో నేరాలు పెరిగిపోయాయని, ఆడ–మగ అనే తేడా లేకుండా నేర ప్రవృత్తులు అధికమైందని ఆయన ఆవేదన వ్యక్తం చేశారు. ఇటీవల నెల్లూరులో లేడీ డాన్ల వ్యవహారాలు వెలుగులోకి రావడంతో, చంద్రబాబు చేసిన వ్యాఖ్యలు సోషల్ మీడియాలో వైరల్ అయ్యాయి. నేరాల్లో ఇరికించే వారిపై “తోక కట్ చేస్తాం” అంటూ ఆయన ఇచ్చిన వార్నింగ్ రాష్ట్రవ్యాప్తంగా చర్చనీయాంశమైంది.
నిడిగుంటి అరుణ కేసు, కామాక్షమ్మ పేరుతో వెలుగులోకి వచ్చిన నేర సామ్రాజ్యం వంటి ఘటనలు ప్రభుత్వం దృష్టికి వచ్చాయి. ఈ పరిణామాల నేపథ్యంలో చంద్రబాబు, మహిళలు అయినా కూడా నేరాలు చేస్తే కఠినంగా వ్యవహరిస్తామని హెచ్చరించారు. మహిళల అభివృద్ధికి ఎంత ప్రాధాన్యత ఇచ్చినా, నేరాలు చేసే వారికి మాత్రం క్షమాభిక్ష లేదని స్పష్టం చేశారు.
ఈ “లేడీ డాన్” వ్యవహారాలు వైసీపీ హయాంలో పెరిగాయన్న ఆరోపణలతో సోషల్ మీడియాలో పెద్ద ఎత్తున చర్చ సాగుతోంది. ఏ చిన్న విషయం జరిగినా వైరల్ అవుతూ ప్రజల్లో పెద్ద చర్చకు దారితీస్తోంది.
Read hindi news: hindi.vaartha.com
Epaper : epaper.vaartha.com
Read Also: