ఆంధ్రప్రదేశ్లోని అనకాపల్లి(AP Anakapalli Fire) జిల్లాలో పెద్ద ఎత్తున అగ్నిప్రమాదం సంభవించింది. డిసెంబర్ 2, 2025 తెల్లవారుజామున నర్సీపట్నం శారదానగర్లో పోస్టాఫీసు ఎదురుగా ఉన్న ఒక కాంప్లెక్స్లో మంటలు చెలరేగాయి. అగ్ని అకస్మాత్తుగా పుట్టి కొన్ని నిమిషాల్లోనే విస్తరించడంతో భారీగా ఆస్తినష్టం జరిగినట్లు దుకాణ యజమానులు ఆవేదన వ్యక్తం చేస్తున్నారు. ఈ ఘటన ప్రాంతంలో చర్చనీయాంశంగా మారింది.
Read Also: Tirupati Zoo: బురద కుంటలో నుంచి ఏనుగును పైకి లాగిన అటవీశాఖ.. వైద్యశాలకు తరలింపు
ప్రాథమిక వివరాల ప్రకారం, భవనం మొదటి అంతస్తులోనే మంటలు మొదలై, కొద్ది సేపటికే భవనం మొత్తం పొగతో కమ్ముకుందని స్థానికులు తెలిపారు. మంటల తీవ్రత ఎక్కువగా ఉండడంతో ఎలక్ట్రానిక్స్(Electronics), ఫర్నిచర్(Furniture), వ్యాపార సరుకులు పూర్తిగా కాలిపోయినట్లు తెలుస్తోంది. ఆస్తినష్టం గణనీయంగా ఉందని అంచనా.
అగ్నిప్రమాదంలో వ్యాపార ఆస్తి దగ్ధం
వెంటనే ఘటన స్థలానికి చేరుకున్న అగ్ని(AP Anakapalli Fire)మాపక సిబ్బంది గంటపాటు కృషి చేసి మంటలను అదుపులోకి తెచ్చారు. సంతోషకర విషయం ఏమంటే, ఈ ప్రమాదంలో ఎలాంటి ప్రాణనష్టం జరగలేదు. అయితే వ్యాపారులు, భవనంలో నివసించే కుటుంబాలు(families) తమ ముఖ్యమైన పత్రాలు, నగదు, విలువైన వస్తువులు రక్షించుకోలేక తీవ్ర విచారం వ్యక్తం చేశారు. ఈ ప్రమాదానికి షార్ట్ సర్క్యూట్ కారణంగా ఉండవచ్చని పోలీసులు అనుమానిస్తున్నారు. పూర్తి కారణాలు తెలుసుకునేందుకు ఫైర్ శాఖ, పోలీసులు సంయుక్తంగా దర్యాప్తు చేస్తున్నారు. భవనంలో ఫైర్ సేఫ్టీ ప్రమాణాలు అమల్లో ఉన్నాయా అనే అంశంపై కూడా విచారణ కొనసాగుతోంది.
తెలుగు రాష్ట్రాల్లో వరుస అగ్నిప్రమాదాలు
ఇక మరోవైపు, తెలుగు రాష్ట్రాల్లో వరుసగా జరుగుతున్న అగ్నిప్రమాదాలు ప్రజల్లో భయాందోళనలు పెంచుతున్నాయి. తాజాగా జగిత్యాల జిల్లాలోని కొండగట్టు పుణ్యక్షేత్రంలో జరిగిన అగ్ని ప్రమాదంలో బొమ్మల దుకాణాలు వరుసగా మంటల్లో కాలిపోయాయి. శనివారం అర్ధరాత్రి చోటుచేసుకున్న ఈ ఘటనలో భారీ ఆస్తినష్టం జరిగినట్లు సమాచారం.
Read hindi news:hindi.vaartha.com
Epaper: epaper.vaartha.com/
Read Also:
