AP: రాజధాని నిర్మాణానికి భూములిచ్చిన రైతుల సమస్యలను పరిష్కరించే దిశగా కూటమి ప్రభుత్వం వేగంగా అడుగులు వేస్తోంది. ప్లాట్ల కేటాయింపులో ఎదురవుతున్న సాంకేతిక, వాస్తు దోషాల సమస్యలకు శాశ్వత పరిష్కారం చూపుతూ ప్రభుత్వం కీలక ఉత్తర్వులు జారీ చేసింది.
Read Also: Chevireddy : జైలు నుంచి విడుదలైన చెవిరెడ్డి.. ఘన స్వాగతం పలికిన వైసీపీ నేతలు
వీధిపోట్ల సమస్యకు పరిష్కారం
ప్లాట్ల కేటాయింపులో భాగంగా తమకు ‘వీధిపోట్లు’ ఉన్న ప్లాట్లు వచ్చాయని, దీనివల్ల వాస్తు పరంగా ఇబ్బందులు ఉన్నాయని చాలా కాలంగా రైతులు ఆందోళన వ్యక్తం చేస్తున్నారు. దీనిపై అధ్యయనం చేసిన త్రిసభ్య కమిటీ సూచనల మేరకు ప్రభుత్వం సానుకూలంగా స్పందించింది.
- వీధిపోట్లు ఉన్నట్లు గుర్తించిన 112 ప్లాట్ల అభ్యంతరాలను అధికారులు పరిగణనలోకి తీసుకున్నారు.
- ఈ ప్లాట్లకు బదులుగా, వేరే ప్రాంతాల్లో వాస్తు ప్రకారం కొత్త ప్లాట్లను కేటాయించేందుకు సీఆర్డీఏ (CRDA) అనుమతినిచ్చింది.
- ఇందులో భాగంగానే ఉండవల్లి గ్రామానికి చెందిన 16 మంది రైతులకు 21 రిటర్నబుల్ ప్లాట్లను తాజాగా కేటాయించారు.
ఉచిత రిజిస్ట్రేషన్లు.. వేగంగా మ్యూటేషన్
రైతులకు కేటాయించిన ప్లాట్ల రిజిస్ట్రేషన్ ప్రక్రియపై కూడా ప్రభుత్వం క్లారిటీ ఇచ్చింది. ప్లాట్ల రిజిస్ట్రేషన్ కోసం రైతుల నుంచి ఎలాంటి రుసుము (Registration Fee) వసూలు చేయకూడదని నిర్ణయించింది. ఈ ప్రక్రియను వీలైనంత త్వరగా పూర్తి చేయాలని అధికారులను ఆదేశించింది. ఉండవల్లికి చెందిన 195 మంది రైతులకు సంబంధించి 381 నివాస, వాణిజ్య ప్లాట్ల కేటాయింపు ప్రక్రియను ఈ-లాటరీ (ఆన్లైన్ ర్యాండమ్ సిస్టమ్) ద్వారా పారదర్శకంగా పూర్తి చేశారు.
అనాథ చిన్నారులకు అండగా ప్రభుత్వం
రాజధాని ప్రాంతంలోని సామాజిక అంశాలపై కూడా ప్రభుత్వం దృష్టి సారించింది. అమరావతి పరిధిలో నివసిస్తున్న అనాథ చిన్నారుల సంక్షేమం కోసం నెలకు రూ. 5,000 పెన్షన్ మంజూరు చేయాలని నిర్ణయించింది. ఈ నిర్ణయంపై సర్వత్రా హర్షం వ్యక్తమవుతోంది.
ప్రస్తుతం రాజధాని అభివృద్ధి పనులపై ఉద్దండరాయునిపాలెం, వెలగపూడి, వెంకటపాలెం వంటి గ్రామాల్లో గ్రామసభలు జరుగుతున్నాయి. రైతుల సందేహాలను నివృత్తి చేస్తూ రాజధాని పనులను పరుగులు పెట్టించాలని ప్రభుత్వం భావిస్తోంది.
Read hindi news: hindi.vaartha.com
Epaper: epaper.vaartha.com
Read Also:
