Andhra Pradesh: ఆంధ్రప్రదేశ్ రాష్ట్ర శాసనసభ బడ్జెట్ సమావేశాలు ముగిశాయి. సుదీర్ఘంగా జరిగిన ఈ చర్చల అనంతరం సభను స్పీకర్ చింతకాయల అయ్యన్నపాత్రుడు నిరవధికంగా వాయిదా వేశారు. మొత్తం 15 రోజుల పాటు కొనసాగిన ఈ సమావేశాల్లో ప్రజా సమస్యలు, అభివృద్ధి పనులపై సుమారు 72 గంటల 14 నిమిషాల పాటు అర్థవంతమైన చర్చలు జరిగాయి. ఈ దఫా సమావేశాల్లో ప్రభుత్వం పారదర్శకతకు పెద్దపీట వేస్తూ సభ్యులు అడిగిన 122 ప్రశ్నలకు మంత్రులు నేరుగా సమాధానాలు ఇచ్చారు.
Read Also :Chandrababu Naidu: వచ్చే ఏడాదికి పోలవరం ప్రాజెక్టును పూర్తి చేస్తాం
18 కీలక బిల్లులకు సభ ఏకగ్రీవ ఆమోదం.
శాసన ప్రక్రియలో భాగంగా ఈ సమావేశాలు అత్యంత కీలకంగా నిలిచాయి. రాష్ట్ర ప్రయోజనాలకు సంబంధించిన 18 ముఖ్యమైన బిల్లులను సభ ఏకగ్రీవంగా ఆమోదించింది. అంతేకాకుండా, 80 ప్రశ్నలకు సంబంధించిన లిఖితపూర్వక సమాధానాలను సభా సమక్షంలో ఉంచారు. ఈసారి అసెంబ్లీ సమావేశాలకు విద్యాసంబంధమైన ప్రాధాన్యత కూడా లభించింది. రాష్ట్రంలోని 166 పాఠశాలల నుంచి సుమారు 6,693 మంది విద్యార్థులు సభానడకను ప్రత్యక్షంగా వీక్షించేందుకు విచ్చేశారు.
సమావేశాల ముగింపు సందర్భంగా స్పీకర్ అయ్యన్నపాత్రుడు సభ్యులందరికీ, అధికారులకు కృతజ్ఞతలు తెలియజేశారు. సభా కార్యక్రమాలు ముగిసిన అనంతరం సాయంత్రం శాసనసభ్యుల కోసం ఏర్పాటు చేసిన సాంస్కృతిక కార్యక్రమాలకు ప్రతి ఒక్కరూ తమ కుటుంబ సభ్యులతో కలిసి రావాలని ఆయన సాదరంగా ఆహ్వానించారు. ప్రజాస్వామ్యబద్ధంగా, క్రమశిక్షణతో సాగిన ఈ సమావేశాలు రాష్ట్ర అభివృద్ధికి బాటలు వేస్తాయని స్పీకర్ ఆశాభావం వ్యక్తం చేశారు.
Read Also hindi news: hindi.vaartha.com
Epaper : epaper.vaartha.com
Read Also :