ఆంధ్రప్రదేశ్లో విలువైన ఖనిజ సంపద ఉన్నట్లు కేంద్ర ప్రభుత్వ పరిశోధనల్లో తేలింది. ఇటీవల ప్రకటించిన Rare Earth Minerals Corridorsలో ఏపీకి కీలక స్థానం లభించింది. ముఖ్యంగా రాయలసీమ ప్రాంతంలో ఉన్న అనంతపురం, శ్రీసత్యసాయి జిల్లాల్లో అరుదైన ఖనిజాల నిక్షేపాలు ఉన్నట్లు గుర్తించారు. ప్రస్తుతం అక్కడ క్షేత్రస్థాయిలో సర్వేలు, శాస్త్రీయ పరిశోధనలు కొనసాగుతున్నాయి. ఈ ఖనిజాలు భవిష్యత్ సాంకేతిక రంగాలకు ఎంతో కీలకమైనవిగా నిపుణులు చెబుతున్నారు. రాయలసీమను ఇకపై రత్నాల సీమగా మాత్రమే కాదు, ఖనిజాల సీమగా కూడా పిలిచే పరిస్థితి కనిపిస్తోంది.
Read also: TTD: ఏఐతో తిరుమల భక్తులకు మరింత భద్రత
Expensive and rare minerals in Andhra Pradesh
అనంతపురం – శ్రీసత్యసాయి జిల్లాల్లో గుర్తించిన ఖనిజాలు
2023లో హైదరాబాద్కు చెందిన National Geophysical Research Institute (NGRI) అనంతపురం జిల్లాలో విస్తృతంగా పరిశోధనలు చేపట్టింది. ఈ సర్వేల్లో నియోబియం, నియోడైమియం, సిరియం, లాంథనం, ప్రాసోడైమియం, స్కాండియం, జిర్కోనియం వంటి అరుదైన ఖనిజాలు ఉన్నట్లు గుర్తించారు. వీటితో పాటు అత్యంత విలువైన లిథియం నిక్షేపాలు కూడా ఉన్నట్లు తేలింది. తాడిమర్రి, తురకవారిపల్లి, దాడితోట ప్రాంతాల్లో లిథియం ఉన్న సూచనలు లభించాయి. ఈ ఖనిజాలు స్మార్ట్ఫోన్లు, విండ్ టర్బైన్లు, కంప్యూటర్లు, ఎలక్ట్రానిక్ పరికరాల తయారీలో ఉపయోగిస్తారు.
కేంద్రం ప్రత్యేక ప్రోత్సాహం
లిథియం అనేది ప్రపంచవ్యాప్తంగా అత్యంత డిమాండ్ ఉన్న ఖనిజాల్లో ఒకటి. ఇది ముఖ్యంగా ఎలక్ట్రిక్ వాహనాల బ్యాటరీలు, మొబైల్ ఫోన్లు, డిజిటల్ కెమెరాల తయారీలో ఉపయోగిస్తారు. అనంతపురంతో పాటు కడప జిల్లాలోని పార్నపల్లె, లోపటనూతల ప్రాంతాల్లో కూడా లిథియం నిక్షేపాలు గుర్తించారు. హెలికాప్టర్ సర్వేలు కూడా నిర్వహించారు. ఈ ఖనిజాల తవ్వకాలకు ముందుకు వచ్చే సంస్థలకు కేంద్ర ప్రభుత్వం పూర్తి స్థాయి సహకారం అందిస్తామని ప్రకటించింది. ఇది ఏపీ ఆర్థికాభివృద్ధికి కీలక మలుపుగా మారనుంది.
Read hindi news: hindi.vaartha.com
Epaper: epaper.vaartha.com
Read Also:
