గుంటూరు కలెక్టరేట్ వద్ద మాజీ మంత్రి, వైఎస్సార్ కాంగ్రెస్ పార్టీ నేత అంబటి రాంబాబు (Ambati Rambabu) మరియు పోలీసుల (Police) మధ్య తీవ్ర వాగ్వాదం చోటుచేసుకుంది. వైసీపీ పిలుపు మేరకు ‘వెన్నుపోటు దినం’ సందర్భంగా పార్టీ నేతలు కలెక్టరేట్ ఆవరణలోకి వెళ్లేందుకు ప్రయత్నించారు. అయితే, ప్రతినిధి బృందానికి మాత్రమే అనుమతి ఉన్నదని పోలీసులు స్పష్టంచేయడంతో ఉద్రిక్తత చెలరేగింది.
పోలీసుల తీరుపై తీవ్ర ఆగ్రహం
ఈ సందర్భంలో అంబటి రాంబాబు పోలీసుల తీరుపై తీవ్ర ఆగ్రహం వ్యక్తం చేశారు. “లోపలికి వెళ్తే ఏం చేస్తావ్..? తోసుకెళ్తాం.. ఆపుకోండి!” అంటూ పోలీసులకు సవాల్ విసిరారు. ఆయన నేరుగా CIకి వేలు చూపిస్తూ హెచ్చరించడంతో వాతావరణం కాస్త ఉద్రిక్తంగా మారింది. పోలీసు బలగాలు ఎక్కడా తగ్గకుండా ఆదేశాలను అమలు చేస్తూ, అంబటికి దీటుగా సమాధానమిచ్చారు.
కలెక్టరేట్ వద్ద టెన్షన్ టెన్షన్
ఈ ఘటనతో కలెక్టరేట్ వద్ద కొంతసేపు గందరగోళ పరిస్థితి నెలకొంది. అధికార పార్టీ నేతలు ప్రభుత్వంపై నిరసన వ్యక్తం చేయడానికి అనుమతి ఇవ్వకపోవడాన్ని వ్యతిరేకించారు. ఈ ఉదంతం ప్రస్తుతం రాష్ట్రంలో రాజకీయంగా చర్చనీయాంశంగా మారింది. పోలీసుల తీరు హక్కుల ఉల్లంఘన కాదా? అనే ప్రశ్నలు కూడా తెరపైకి వచ్చాయి.
Read Also : Sajjala Ramakrishna Reddy: కూటమి ప్రభుత్వంపై ఏడాదిలోనే వ్యతిరేకత: సజ్జల