ఆంధ్రప్రదేశ్ (Andhra Pradesh) రాష్ట్రానికి అద్భుతమైన రాజధానిని నిర్మించాలనే మహత్తర సంకల్పానికి సామాన్యులు సహాయహస్తం అందిస్తున్నారు. తాజాగా తెనాలి (Tenali) మరియు విజయవాడ (Vijayawada) కు చెందిన ఇద్దరు వృద్ధ మహిళలు తమ బంగారు గాజులను త్యాగంగా విరాళంగా ఇవ్వడం రాష్ట్రంలోని ప్రజల మనసులను కదిలిస్తోంది. ఇది ప్రజల్లో రాజధాని నిర్మాణంపై ఉన్న నమ్మకాన్ని, నిబద్ధతను చాటిచెప్పుతోంది.
తెనాలి మహిళ ఉదయలక్ష్మి ఔదార్యం
తెనాలికి చెందిన తెనాలికి చెందిన నన్నపనేని ఉదయలక్ష్మి 36 గ్రాముల 546 మిల్లీగ్రాముల బంగారు గాజులను ముఖ్యమంత్రి చంద్రబాబుకు అందజేశారు. నాలుగు బంగారు గాజులతో పాటు రూ.1 లక్ష చెక్కును విరాళంగా ఇచ్చారు. రాజధాని నిర్మాణం కోసం ఈ మొత్తాన్ని వినియోగించాలని కోరారు.
విజయవాడ మహిళ చంద్రావతి ఉదారత
విజయవాడకు చెందిన వెలగపూడి చంద్రావతి గారు కూడా ఈ మహత్తర ప్రయత్నానికి తమవంతు తోడ్పాటు అందిస్తూ రూ.50 వేలు విరాళంగా అందజేశారు. వృద్ధులైన ఈ ఇద్దరు మహిళలు తమ జీవన కాలంలో పొందిన సంపాదనను సామాజిక ప్రయోజనానికి ఉపయోగించాలనే ఆలోచన ప్రజల్లో దేశభక్తిని, సమాజంపై బాధ్యతను నూరుస్తోంది.
సీఎం చంద్రబాబు ప్రశంసలు
ఈ సందర్భంలో ముఖ్యమంత్రి నారా చంద్రబాబు నాయుడు మాట్లాడుతూ, వృద్ధులైన ఆ ఇద్దరు మహిళలు రాష్ట్రానికి మంచి రాజధాని ఉండాలని ఆకాంక్షిస్తూ విరాళం ఇవ్వడం గొప్ప విషయమని ముఖ్యమంత్రి వారిని అభినందించారు. వారి ఔదార్యం, ఉదారత ఎంతోమందికి స్ఫూర్తిదాయకమని సీఎం చంద్రబాబు పేర్కొన్నారు.
అమరావతి పునర్నిర్మాణ నేపథ్యం
గత వైఎస్సార్ కాంగ్రెస్ పార్టీ హయాంలో మూడు రాజధానుల ప్రతిపాదన తీసుకురావడం, ఆ వివాదం న్యాయస్థానాలకు చేరడంతో రాజధాని లేని రాష్ట్రంగా విమర్శలు ఎదుర్కొనే పరిస్థితి ఏర్పడింది. ఈ నేపథ్యంలో కూటమి ప్రభుత్వం ఏర్పడిన తర్వాత రాష్ట్రానికి ఏకైక రాజధాని అమరావతియేనని స్పష్టం చేస్తూ రాజధాని నిర్మాణాలపై దృష్టి సారించింది.
కేంద్రం, ప్రపంచ బ్యాంకు తోడ్పాటు
ప్రధానమంత్రి నరేంద్ర మోదీ ఆధ్వర్యంలో కేంద్ర ప్రభుత్వం సహకారం, ప్రపంచ బ్యాంకు నిధులతో అమరావతి ప్రాంతంలో రాజధాని నిర్మాణ పనులు వేగవంతమయ్యాయి. ఇటీవల ప్రధానమంత్రి నరేంద్ర మోదీ చేతుల మీదుగా రాజధాని నిర్మాణ పనుల పునఃప్రారంభోత్సవ కార్యక్రమాన్ని ప్రభుత్వం నిర్వహించింది. దీంతో రాజధాని నిర్మాణానికి తమవంతు సహాయం చేస్తామంటూ దాతలు ముందుకు వచ్చి విరాళాలు అందజేస్తున్నారు.
Read also: Kumari Suresh: అనంతపురంలో మరో దారుణ హత్య