AP: అమరావతిలో ‘ఆవకాయ్’ పేరుతో ప్రత్యేక ఉత్సవాలు నిర్వహించేందుకు కూటమి ప్రభుత్వం చర్యలు చేపట్టింది. ఈ కార్యక్రమాల కోసం రూ.5 కోట్ల నిధులను కేటాయించినట్లు ప్రభుత్వం ప్రకటించింది. అమరావతి(Amaravati) ప్రతిష్ఠను దేశవ్యాప్తంగా చాటిచెప్పే లక్ష్యంతో ఈ ఉత్సవాలకు రూపకల్పన చేస్తున్నట్లు తెలుస్తోంది.
Read also: AP: బస్సు ప్రైవేట్ ఆపరేటర్లకు ట్రాన్స్పోర్ట్ కమిషనర్ హెచ్చరిక
ఈ ‘ఆవకాయ్’ ఉత్సవాల నిర్వహణ బాధ్యతలను ‘టీమ్వర్క్ ఆర్ట్స్’ అనే ప్రైవేటు సంస్థకు అప్పగించినట్లు సమాచారం. మంత్రి కందుల దుర్గేష్ వెల్లడించిన వివరాల ప్రకారం, ఈ కార్యక్రమాన్ని ప్రతి సంవత్సరం సంక్రాంతి పండుగకు ముందు నిర్వహించేలా ప్రభుత్వం ప్రణాళిక రూపొందించింది.
అమరావతి బ్రాండింగ్కు మరింత బలం చేకూర్చే విధంగా ‘ఆవకాయ్’ పేరుతో సినిమా, కళలు, సాహిత్యం, సంస్కృతి సమ్మేళనంగా ఈ ఉత్సవాలను నిర్వహించనున్నారు. స్థానిక కళాకారులు, సినీ ప్రముఖులు, సాహితీవేత్తలకు వేదికగా ఈ కార్యక్రమం ఉండనుందని మంత్రి తెలిపారు.
ఈ ఉత్సవాల ద్వారా అమరావతిని ఒక సాంస్కృతిక(Cultural) కేంద్రంగా తీర్చిదిద్దడంతో పాటు, పర్యాటక రంగానికి ఊతమిచ్చే ఉద్దేశం ఉందని అధికారులు పేర్కొన్నారు. రాష్ట్రానికి ప్రత్యేక గుర్తింపును తీసుకురావడంతో పాటు, యువత, కళాకారులకు అవకాశాలు కల్పించడమే లక్ష్యంగా ప్రభుత్వం ఈ కార్యక్రమాన్ని ప్రతిష్టాత్మకంగా చేపడుతున్నట్లు స్పష్టం చేశారు.
Read hindi news:hindi.vaartha.com
Epaper:epaper.vaartha.com
Read also:
