తిరుమల శ్రీవారి సేవలో పాల్గొనాలని చాలామందికి కోరిక ఉంటుంది. కానీ మహబూబ్నగర్కు చెందిన చంద్రశేఖర్ ( Chandrashekhar from Mahabubnagar) గారు కోరిక కాదు – నిబద్ధతగా 18 ఏళ్లు పోరాడారు. చివరికి ఆయన న్యాయపోరాటం విజయం సాధించింది.చంద్రశేఖర్ కుటుంబం తిరుపతి టీటీడీకి 2008లో డిమాండ్ డ్రాఫ్ట్ ద్వారా రూ.21,250 చెల్లించింది. వారి ఆశ – శ్రీవారి తిరుప్పావడ మరియు మేల్చాట్ వస్త్ర సేవల్లో పాల్గొనడం. అయితే సంవత్సరాలు గడుస్తున్నా, ఎటువంటి స్పందన లేకపోవడం ఆశ్చర్యం కలిగించింది.
ఒత్తిడి, నిరాశ, కోవిడ్ మాయాజాలం
చంద్రశేఖర్ టీటీడీపై ఒత్తిడి తీసుకొచ్చారు. చివరకు 2021లో సేవల కోసం అవకాశం ఇచ్చారు. కానీ కోవిడ్ దెబ్బకు సేవలు రద్దయ్యాయి. దీంతో ఆయన నిరాశకు లోనయ్యారు. కానీ ఆగిపోలేదు. ఆయన్ను నిలిపినది – విశ్వాసం.
న్యాయ బాట పట్టిన భక్తుడు
తన హక్కుల కోసం చంద్రశేఖర్ జిల్లా వినియోగదారుల కమిషన్ను ఆశ్రయించారు. 2024 మే 8న న్యాయమూర్తి అనూరాధ స్పష్టంగా తీర్పు చెప్పారు. నాలుగు రోజుల్లో సేవల అవకాశం ఇవ్వాలని టీటీడీని ఆదేశించారు. అది జరగకపోతే రూ.20 లక్షల పరిహారం చెల్లించాలన్నారు.ఈ తీర్పును టీటీడీ రాష్ట్ర కమిషన్ ముందు సవాలు చేసింది. అయితే రాష్ట్ర కమిషన్ స్పష్టంగా చెప్పింది – ఈ వివాదం జిల్లాలోనే పరిష్కరించుకోవాలని.
అంతిమంగా విజయం చంద్రశేఖర్దే
2025 మే 15న, మళ్లీ విచారణ జరిగింది. జిల్లా కమిషన్ టీటీడీపై ఘాటుగా స్పందించింది. తీర్పు పాటించకపోతే రూ.20 లక్షల 50% డిపాజిట్ చేయాలా లేదా జైలుకెళ్లాలా అని ప్రశ్నించింది. దీంతో దిగివచ్చిన టీటీడీ అధికారులు తుది నిర్ణయం తీసుకున్నారు.చంద్రశేఖర్ కుటుంబానికి వచ్చే ఆగస్ట్ 14, 15 తేదీలకు టికెట్లు మంజూరు చేశారు (Tickets granted for August 14th and 15th) చేశారు. 18 ఏళ్ల నిరీక్షణకు ముగింపు లభించింది. ఇది శ్రీవారి దయ అంటూ ఆయన కుటుంబం భావోద్వేగంతో స్పందించింది.శ్రీవారి ఆశీస్సులే ఇవన్నీ జరిగేలా చేశాయి, అని చంద్రశేఖర్ దంపతులు తెలిపారు. ‘‘భగవంతుడు తన సేవకు మమ్మల్ని పిలిపించుకుంటున్నాడు’’ అని భావితప్తమయ్యారు.
Read Also : Nandi Awards: ఆంధ్రలో త్వరలోనే నంది అవార్డుల ప్రధానం