డైరెక్టర్ రామ్ గోపాల్ వర్మ (ఆర్జీవీ)పై ఒంగోలు పోలీసులు కేసు నమోదు చేసిన విషయం తెలిసిందే. చంద్రబాబు నాయుడు, నారా లోకేశ్పై అనుచిత పోస్టులు పెట్టారనే ఆరోపణలపై ఆయనపై విచారణ జరుగుతోంది. ఇప్పటికే పోలీసులు ఆర్జీవీకి రెండు సార్లు నోటీసులు జారీ చేశారు. అయితే, విచారణకు సహకరించలేదని ఆరోపణలు ఉన్నాయి. ఈరోజు ఉదయం పోలీస్ బృందం ఆర్జీవీ ఇంటికి చేరుకుని విచారణ ప్రక్రియను కొనసాగించేందుకు ప్రయత్నించింది. ఆయన సహకరించకపోతే వెంటనే అరెస్టు చేసి ఒంగోలుకు తరలించనున్నట్లు సమాచారం. ఆయన నోటీసులకు గడువు కావాలని ఇప్పటికే పోలీసులు దగ్గర మరింత సమయం కోరారు.
RGV విచారణకు హాజరు కాని పరిస్థితుల్లో పోలీసులు తీసుకునే చర్యలపై ఆసక్తి నెలకొంది. ఆయనను అరెస్ట్ చేస్తారనే వార్త ప్రస్తుతం హాట్టాపిక్గా మారింది. ఈ అరెస్ట్ వార్త అనేది రాజకీయ వర్గాల్లో మరింత హాట్ టాపిక్ అవుతుంది. ఆర్జీవీ మీద కేసులు, విచారణ తదుపరి మరిన్ని చర్చలకు దారి తీసే అవకాశం ఉంది. కాగా కేసులపై ఆర్జీవీ కొన్ని రోజుల క్రితం సోషల్ మీడియా వేదికగా వివరణ ఇచ్చారు. వ్యక్తిగత అభిప్రాయాలను వ్యక్తీకరించడమే తన ఉద్దేశమని, ఎవ్వరినీ ఉద్దేశించి నేరపూరిత మానసికతతో పోస్టులు చేయలేదని తెలిపారు. అయినప్పటికీ కేసు విషయంలో తన పాయింట్ను చట్టపరంగా సమర్థించుకుంటానని తెలిపారు.
.
