వైసీపీ సీనియర్ నేత, ఎంపీ విజయసాయి రెడ్డి తాజాగా ఓ ఆసక్తికర ట్వీట్ చేశారు. ఈ ట్వీట్లో ముఖ్యమంత్రి చంద్రబాబునాయుడిని ఉద్దేశిస్తూ.. 75 ఏళ్ల వృద్ధుడు ఆంధ్రప్రదేశ్కు నాయకత్వం వహించలేరని వ్యాఖ్యానించారు. ఆంధ్రప్రదేశ్ వంటి యువ రాష్ట్రానికి యువ నాయకుడు అవసరమని ఆయన అభిప్రాయపడ్డారు. “రాష్ట్రానికి నాయకత్వం వహించే సామర్థ్యం డిప్యూటీ సీఎం పవన్ కళ్యాణ్కి ఉందని” అన్నారు. వయసు మరియు జాతీయ స్థాయి ప్రజాస్వామ్యాన్ని దృష్టిలో ఉంచుకుని పవన్ కళ్యాణ్ ఈ రాష్ట్రానికి సరైన నాయకుడిగా అని చెప్పుకొచ్చారు.
పవన్ కళ్యాణ్ నేషనల్ పాప్యులారిటీ ఉన్న, నిఖార్సయిన నాయకుడిగా కీర్తించారు. ఎన్డీఏ పార్టీల నాయకుల్లో పవన్ కళ్యాణ్ను అత్యంత ఆదర్శవంతమైన వ్యక్తిగా అభివర్ణించారు. ఈ వ్యాఖ్యలు ప్రస్తుతం సామాజిక మాధ్యమాల్లో వైరల్ అవుతున్నాయి. ఈ ట్వీట్పై జనసేన శ్రేణులు తమదైన శైలిలో స్పందిస్తున్నారు. మరి దీనిపై టీడీపీ ఎలా రియాక్ట్ అవుతుందో చూడాలి.