Drone Smuggling: హైదరాబాద్లోని శంషాబాద్ అంతర్జాతీయ విమానాశ్రయంలో కస్టమ్స్ అధికారులు భారీ డ్రోన్ల స్మగ్లింగ్ ముఠా గుట్టురట్టు చేశారు. సింగపూర్ నుండి అక్రమ మార్గంలో భారీ సంఖ్యలో డ్రోన్లను తరలిస్తున్న ముగ్గురు ప్రయాణికులను విమానాశ్రయ భద్రతా సిబ్బంది మరియు కస్టమ్స్ అధికారులు చాకచక్యంగా పట్టుకున్నారు. నిందితులు తమ లగేజీలో వీటిని ఎవరికీ అనుమానం రాకుండా దాచి ఉంచినట్లు తనిఖీల్లో వెల్లడైంది.
Read Also:YouTuber Vaishnavi Murder: యూట్యూబర్ వైష్ణవి.. గర్భిణి అని చూడకుండా చంపిన భర్త
రూ. 42 లక్షల విలువైన సామగ్రి స్వాధీనం
అధికారులు తెలిపిన వివరాల ప్రకారం.. మహమ్మద్, తాజ్, హస్గర్ అనే ముగ్గురు వ్యక్తులు సింగపూర్ నుండి విమానంలో శంషాబాద్ చేరుకున్నారు. ఎటువంటి ముందస్తు అనుమతులు లేకుండా వారు తమ సామగ్రిలో 74 డ్రోన్లను రహస్యంగా తరలిస్తుండగా, స్కానింగ్ సమయంలో అధికారులకు పట్టుబడ్డారు. నిబంధనల ప్రకారం దేశంలోకి డ్రోన్లను తీసుకురావడానికి అవసరమైన ధృవపత్రాలు వారి వద్ద లేకపోవడంతో అధికారులు వాటిని స్వాధీనం చేసుకున్నారు.
స్వాధీనం చేసుకున్న ఈ 74 డ్రోన్ల విలువ అంతర్జాతీయ మార్కెట్లో సుమారు రూ. 42 లక్షల వరకు ఉంటుందని కస్టమ్స్ అధికారులు అంచనా వేస్తున్నారు. నిందితులపై కేసు నమోదు చేసి, ఈ స్మగ్లింగ్ వెనుక ఎవరి హస్తం ఉందనే కోణంలో విచారణ జరుపుతున్నారు. నిబంధనలకు విరుద్ధంగా ఎలక్ట్రానిక్ వస్తువులను తరలిస్తే కఠిన చర్యలు తీసుకుంటామని అధికారులు హెచ్చరించారు.
Read hindi news: hindi.vaartha.com
Epaper: epaper.vaartha.com
Read Also:
