Oscars 2026 Winners List: ఉత్తమ నటుడిగా మైఖేల్ బీ జోర్డాన్ సరికొత్త చరిత్ర

Oscars 2026 Winners List: ప్రపంచ సినీ వేదికపై అత్యున్నత పురస్కారాలైన ఆస్కార్ అవార్డుల (98th Academy Awards) వేడుక కాలిఫోర్నియాలోని డాల్బీ థియేటర్‌లో అంగరంగ వైభవంగా జరిగింది. భారత కాలమానం ప్రకారం నేడు (మార్చి 16, 2026) తెల్లవారుజామున ప్రారంభమైన ఈ వేడుకలో ప్రపంచవ్యాప్త సినిమాల మధ్య గట్టి పోటీ నెలకొంది. ప్రముఖ అమెరికన్ కమేడియన్ కానన్ ఓబ్రియాన్ వరుసగా రెండో ఏడాది వ్యాఖ్యాతగా వ్యవహరించి, తనదైన శైలిలో ప్రేక్షకులను నవ్వుల్లో ముంచెత్తారు.

మైఖేల్ బీ జోర్డాన్, జెస్సీ బుక్లే హవా

ఇక ఉత్తమ నటుడి కేటగిరీలో స్టార్ హీరో మైఖేల్ బీ జోర్డాన్ విజయం సాధించారు. “సిన్నర్స్” చిత్రంలో ఆయన చేసిన అద్భుత నటనకు ఈ ప్రతిష్టాత్మక అవార్డు దక్కింది. మిస్సిసిప్పి నేపథ్యంగా తెరకెక్కిన ఈ సూపర్ నేచురల్ చిత్రంలో జోర్డాన్ స్మోక్, స్టాక్ అనే రెండు విభిన్న పాత్రల్లో కనిపించి ప్రేక్షకులను మెప్పించారు.ఈ అవార్డుతో ఉత్తమ నటుడిగా ఆస్కార్ గెలుచుకున్న ఆరో నల్లజాతి నటుడిగా మైఖేల్ బీ జోర్డాన్ నిలిచారు.

Oscars 2026 Winners List: Michael B. Jordan makes history as Best Actor

గతంలో సిడ్నీ పోయిటియర్, డెంజెల్ వాషింగ్టన్, జామీ ఫాక్స్, ఫారెస్ట్ విటేకర్, విల్ స్మిత్ వంటి ప్రముఖ నటులు ఈ గౌరవాన్ని అందుకున్నారు. ఇక ఉత్తమ నటిగా జెస్సీ బుక్లే కి హమ్నెట్ చిత్రానికి గాను అవార్డ్ ద‌క్కింది. ఇక వన్‌ బ్యాటిల్‌ ఆఫ్టర్‌ అనదర్‌ మూవీకిగానూ పాల్‌ థామస్‌ ఉత్తమ దర్శకుడిగా ఆస్కార్‌ని సొంతం చేస్తున్నారు. అంతేకాదు ఇదే మూవీ ఉత్తమ చిత్రంగానూ నిలిచింది.

98వ అకాడమీ అవార్డుల పూర్తి జాబితా

ఉత్తమ చిత్రం: వన్‌ బ్యాటిల్‌ ఆఫ్టర్‌ అనదర్‌

ఉత్తమ నటుడు: మైఖేల్‌ బి జోర్డన్‌ (సిన్సర్స్)

ఉత్తమ నటి: జెస్సీ బుక్లే (హమ్నెట్‌)

ఉత్తమ దర్శకుడు: పాల్‌ థామస్‌ అండర్సన్‌(వన్‌ బ్యాటిల్‌ ఆఫ్టర్‌ అనదర్‌)

ఉత్తమ సహాయ నటుడు: ఈన్‌ పెన్‌ (వన్‌ బ్యాటిల్‌ ఆఫ్టర్‌ అనదర్‌)

ఉత్తమ సహాయ నటి: ఎమీ మాడిగన్‌(వెపన్స్)

ఉత్తమ సినిమాటోగ్రఫీ: ఆటమ్‌ డురాల్డ్ అర్కపా(సిన్నర్స్)

ఉత్తమ ఎడిటింగ్‌: యాండీ జుర్గెన్‌ సన్‌(వన్‌ బ్యాటిల్‌ అఫ్టర్‌ అనదర్‌ )

ఉత్తమ సంగీతం: లుడ్విగ్‌ గోరాన్సన్‌(సిన్నర్స్)

ఉత్తమ సౌండ్‌ : ఎఫ్‌ 1

ఉత్తమ విజువల్‌ ఎఫెక్ట్: అవతార్‌ ఫైర్‌ అండ్‌ యాష్‌